(વર્તમાન પ્રવાહ ન્યુઝ નેટવર્ક)
સેલવાસ, તા.10 : ભારત સરકારના આવાસ અને શહેરી કાર્ય મંત્રાલયના સેફટીક ટેન્ક અને સીવરેજની નિયમિત સફાઈ માટે સ્ટાન્ડર્ડ ઓપરેટિંગ પ્રોસેડયુર અંતર્ગત સેફટીક ટેન્કને એક અથવા બે વર્ષમાં એક વખત ડિઝાઈન માપદંડોના આધારે સફાઈ કરાવવી અનિવાર્ય છે.
સંઘપ્રદેશ દાનહ અને દમણ-દીવના પ્રશાસક શ્રી પ્રફુલભાઈ પટેલના માર્ગદર્શનમાં અને સેલવાસ નગરપાલિકાના પ્રમુખ શ્રીમતી રજની શેટ્ટીના નેતૃત્વમાં સફાઈમિત્ર સુરક્ષા ચેલેન્જ અંતર્ગત સીવરેજ/સેફટીક ટેન્કની સફાઈ અથવા સેફટીક ટેન્કની નિયમિત સફાઈ માટે હેલ્પલાઇન નંબર 14420 શરૂ કરવામાં આવ્યો છે.
સેલવાસ નગરપાલિકા વિસ્તારના કોઈપણ નાગરિકને સેફટી ટેન્કસફાઈ વાહનની જરૂરિયાત હોય તો 14420/(0260)2633193 પર કોલ કરી શકે છે. સીવરેજ/સેફટીક ટેન્કનુ ગંદુ પાણી બહાર છોડવા પર અને વારંવાર કરવામાં આવેલ અપરાધ માટે રૂા.એક હજાર ઉપ નિયમ 4.1, 4.4, અને 7.4 દાનહ સેલવાસ નગરપાલિકા સોલિડ વેસ્ટ હેન્ડલિંગ અને મેનેજમેન્ટ બાયલોઝ 2018 મુજબ દંડ કરવામાં આવશે. આ સિવાય સેલવાસ પાલિકા સોલિડ વેસ્ટ હેન્ડલિંગ અને મેનેજમેન્ટ બાયલોઝ 2018 ઉપ નિયમ 4.9 મુજબ આવશ્યક સેવાઓ જેવી કે પાણીની આપૂર્તિ અને વીજળી બંધ કરવામાં આવશે. સાથે આપના વિરુદ્ધ દાનહ અને દમણ દીવ પાલિકા રેગ્યુલેશન 2004ની કલમ 221 અને 222 મુજબ કાનૂની કાર્યવાહી કરવામાં આવશે.