કામગીરીને લઈ દુર અને નજીકના અંતરની 11 વધુ ટ્રેન વહેવાર પ્રભાવિત થયો હતો
(વર્તમાન પ્રવાહ વાપી બ્યુરો)
વાપી, તા.14: વાપી જુના રેલવે ફાટક ઉપર રેલવે અંડરપાસ બનાવવાની કામગીરી પુરઝડપમાં ચાલી રહી છે. આ કામગીરીમાં રેલવેના હિસ્સાની કામગીરી મંગળવારે હાથ ધરાઈ હતી. મોટા મોટા મશીન દ્વારા રેલવે અંડરપાસ માટેની તોતિંગ ગડરો બેસાડવાની કામગીરી પુર્ણ કરીદેવાઈ હતી.
વાપી ટાઉનમાં અવર જવર માટે મહત્ત્વાકાંક્ષી એવો પ્રોજેક્ટ નગરપાલિકા દ્વારા જુના રેલવે ફાટકથી અંડરપાસની કામગીરી પુરઝડપે ચાલી રહી છે. આ કામગીરીમાં રેલવે અંડરમાં આવતા અંડરપાસ માટે મંગળવારે તોતિંગ બ્લોક અને ગડરો નાખવાનું મેગા ઓપરેશન હાથ ધરાયું હતું. આ કામગીરી માટે રેલવેએ મેગા બ્લોક ડીક્લેર કરીને આ કામગીરી હાથ ધરાઈ હતી. મોટા મોટા મશીનોનો ઉપયોગ કરીને રેલવેએ તોતિંગ ગડરો અને બ્લોક ફીટ કર્યા હતા. આ કામગીરી માટે જાહેર કરાયેલ મેગા બ્લોકને લઈને અગિયાર જેટલી ટ્રેનો દુર અને નજીકના અંતરની પ્રભાવિત થઈ હતી. મુસાફરો પણ અટવાયા હતા. અલબત્ત વાપી જુના ફાટકની કામગીરી નજીકના સમયમાં પુરી થઈ જશે તેથી ગુંજન, સેલવાસ રોડ, કોપરલી, છીરીના લોકોને વાપી ટાઉનમાં અવર જવર અતિ સુલભ થઈ જશે. બીજી તરફ નવિન બનનાર રેલવે ફલાય ઓવર ઉપર ટ્રાફિકનું ભારણ પણ ઓછું રહેશે.
