દેશના યશસ્વી પ્રધાનમંત્રીશ્રીના સ્વાગત-મુલાકાતની યાદગાર બનેલી ક્ષણઃ
દિપકભાઈ સોલંકી
(વર્તમાન પ્રવાહ ન્યુઝ નેટવર્ક)
ચીખલી (વંકાલ), તા.23: નવસારીના વાંસી બોરસીમાં પીએમ મિત્રા ટેકસટાઈલ પાર્કના ખાતમુહૂર્ત પ્રસંગે પધારેલા દેશના યશસ્વી વડાપ્રધાન અને વિશ્વના સૌથી લોકપ્રીય નેતા નરેન્દ્રભાઈ મોદી સાથે હેલીપેડ ઉપર જિલ્લા ભાજપના કિસાન મોરચાના આઈટી સેલના સહ સંયોજક દીપકભાઈ સોલંકી (વંકાલ) એ શુભેચ્છા મુલાકાત કરી હતી. વડાપ્રધાન નરેન્દ્રભાઈ મોદીની શુભેચ્છા મુલાકાત માટે દિપકભાઈ સોલંકીએ ભાજપના પ્રદેશ અધ્યક્ષ અને સાંસદ સી.આર.પાટીલ તથા સંગઠનના હોદ્દેદારો પ્રત્યે આભારની લાગણી વ્યક્ત કરી હતી. સાથે દિપકભાઈએ વડાપ્રધાન નરેન્દ્રભાઈ મોદી સાથેની શુભેચ્છા મુલાકાત તેમના જીવનની યાદગાર ક્ષણ રહેશે તેમ જણાવી આ માટે ખૂબ ગૌરવ અને આનંદની લાગણી વ્યક્ત કરી પક્ષ માટે કામ કરવામાં નવી ઉર્જા અને જોમ મળ્યુંહોવાનું ઉમેર્યું હતું.
