દમણ જિલ્લા ભાજપ પ્રમુખ અને ન.પા. અધ્યક્ષ અસ્પીભાઈ દમણિયા તથા દમણ જિલ્લા પંચાયતના પ્રમુખજાગૃતિબેન કલ્પેશભાઈ પટેલે પ્રધાનમંત્રી આવાસ યોજના, શૌચાલય અને નેશનલ રૂરલ લાઈવલીહૂડ મિશન(રાષ્ટ્રીય 
ગ્રામીણ આજીવિકા મિશન)ના લાભાર્થીઓ સાથે પણ કરેલો સંવાદ
(વર્તમાન પ્રવાહ ન્યુઝ નેટવર્ક)
દમણ, તા.08 : આજે દમણ જિલ્લા ભાજપ અધ્યક્ષ અને દમણ ન.પા.ના પ્રમુખ શ્રી અસ્પી દમણિયા અને દમણ જિલ્લા પંચાયતના અધ્યક્ષ શ્રીમતી જાગૃતિબેન કલ્પેશભાઈ પટેલે દમણવાડા અને પરિયારી ગ્રામ પંચાયત વિસ્તારમાં ચાલી રહેલી વિવિધ યોજનાઓના લાભાર્થીઓ સાથે મુલાકાત કરી તેમના અનુભવોની માહિતી મેળવી હતી. જેમાં પ્રધાનમંત્રી આવાસ યોજના, શૌચાલય અને નેશનલ રૂરલ લાઈવલીહૂડ મિશન(રાષ્ટ્રીય ગ્રામીણ આજીવિકા મિશન)ના લાભાર્થીઓ સાથે પણ સંવાદ કર્યો હતો.
આ પ્રસંગે દમણવાડા ગ્રામ પંચાયતના સરપંચ શ્રી મુકેશ ગોસાવી અને શ્રીમતી મનિષાબેનની સાથે અન્ય બહેનો અને કાર્યકર્તા ભાઈઓ પણ ઉપસ્થિત રહ્યા હતા.
