કંપનીઓ કેમિકલ વેસ્ટ કચરો પંચાયતના આશિર્વાદથી કરવડમાં ઠલવાતો રહ્યો છે, પ્રશાસન પગલાં ભરવામાં નિષ્ફળ
(વર્તમાન પ્રવાહ વાપી બ્યુરો)
વાપી, તા.04: વાપી નજીક આવેલ કરવડ ગામમાં ભંગારીયા દ્વારા ઠલવાતા કચરામાં વધુ એક વાર આગ લાગતા દોડધામ મચી જવા પામી હતી. બીજા બનાવ કોચરવા ગામે પણ ખુલ્લા મેદાનમાં આગ લાગી હતી.
વાપી કરવડ અને ડુંગરી ફળીયા વિસ્તાર આગ માટે એ.પી. સેન્ટર બની ચુક્યા છે. છાશવારે આ વિસ્તારોમાં આગ લાગવાના બનાવો બને છે. ભંગારીયાઓનો કેમિકલ વેસ્ટ કચરો જાહેર મેદાનમાં નાખવામાં આવે છે. જેને લઈ વારંવાર આગ લાગવાના બનાવ બનતા રહે છે. કરવડ પંચાયતની રહેમ નજર હેઠળ આવી ગેરકાયદે ભંગારની પ્રવૃત્તિઓ બેરોકટોક ફુલી ફાલી ચૂકી છે. જી.પી.સી.બી. કે અન્ય એજન્સીઓ ભંગારીયાને નાથવામાં અસફળ રહીછે. પરિણામે વારંવાર ડુંગરી ફળીયા કે કરવડ વિસ્તારોમાં આગ લાગવાના બનાવ બની રહ્યા છે જે સાર્વજનિક હિત માટે ક્યારેક મોટું જોખમ બની શકે એમ છે.
