દિલીપનગર ડેવલપમેન્ટ એસોસિએશનના અધ્યક્ષ લખમભાઈ ટંડેલના નેતૃત્વમાં લાલુભાઈ પટેલનું કરાયેલું જોશભેર સ્વાગતઃ દમણનો મારવાડી સમાજ પણ રાજી
(વર્તમાન પ્રવાહ ન્યુઝ નેટવર્ક)
દમણ, તા.06 : દમણ અને દીવ લોકસભાના ઉમેદવાર તરીકે ભાજપે વર્તમાન સાંસદ શ્રી લાલુભાઈ પટેલ ઉપર સતત ચોથી ટર્મ માટે કળશ ઢોળતાં પ્રદેશમાં તેમના સન્માન સત્કાર માટે મોટી કતારો લાગી રહી છે.
આજે દિલીપનગર ડેવલપમેન્ટ સોસાયટીના અધ્યક્ષ શ્રી લખમભાઈ ટંડેલના નેતૃત્વમાં ભાજપના ઉમેદવાર બનેલા શ્રી લાલુભાઈ પટેલનું ઉષ્માભર્યું સ્વાગત કરવામાં આવ્યું હતું. દુણેઠા ખાતે સમસ્ત મારવાડી સમાજ દ્વારા સાંસદ શ્રી લાલુભાઈ પટેલને ચોથી ટર્મ માટે ટિકિટ મળતાં ખુશી વ્યક્ત કરી અભિનંદન પાઠવ્યા હતા.
