(વર્તમાન પ્રવાહ ન્યુઝ નેટવર્ક)
વલસાડ, તા.07: દાદરા નગર હવેલીના દાદરા ગામની કંપનીમાં લેબર કોન્ટ્રાક્ટરે પ્લાન્ટની અંદર જ અગમ્ય કારણસર ગળે ફાસો લગાવી આત્મહત્યા કરી છે.
પ્રાપ્ત વિગત અનુસાર સંદીપ વાસુદેવ ઉ.વ.40 રહેવાસી ડુંગરા જેઓ મ્યુચ્યુઅલ ઈન્ડસ્ટ્રીઝ લિમિટેડ કંપની દાદરામા લેબર કોન્ટ્રાક્ટ ચલાવતો હતો જેણે કંપનીની અંદર જ પ્લાન્ટમા ગળે ફાસો લગાવી આત્મહત્યા કરી લીધી હતી.મળેલ માહિતી અનુસાર સંદીપ એના અંડરમા કામ કરતા કામદારોના પગાર ચૂકવવા માટે કંપની સંચાલકો પાસે પૈસાની માંગણી કરવા આવ્યો હતો પણ એને પેમેન્ટ નહીં આપતા ખોટું લાગી આવતા આ રીતનું પગલું ભર્યું હોવાની ચર્ચા જાણવા મળેલ છે. આ ઘટનાની જાણ થતા દાદરા પોલીસની ટીમ ઘટના સ્થળે પહોંચી જાણકારી મેળવ્યા બાદ લાશનો કબજો લાઇ પીએમ માટે વિનોબાભાવે સિવિલ હોસ્પિટલમાં લઈ જવામાં આવી હતી. આ ઘટના અંગેની ફરિયાદ નોંધી વધુ તપાસ દાદરા પોલીસ કરી રહી છે.
