આરોપી 55 વર્ષિય નવસુ જમસુભાઈ વઢારીની પોલીસે ધરપકડ કરી : બજારો બંધ રહ્યા
(વર્તમાન પ્રવાહ વાપી બ્યુરો)
વાપી, તા.31: કપરાડાના ડુંગરી ફળીયામાં યુવતીની લાજ બજાવવા જતા વચ્ચે પડેલા ઈસમની ગુપ્તાંગમાં લાતો મારી હત્યા કરી દેવાતા સમગ્ર વિસ્તારમાં ફીટકાર સાથે ચકચાર મચી જવા પામી હતી.
ઘૃણાસ્પદ હત્યાની પ્રાપ્ત વિગતો મુજબ કપરાડા ડુંગરી ફળીયામાં રહેતો 55 વર્ષિય નવસુ જમસુભાઈ વઢારીની દાનત બગડતા બુધવારે રાત્રે ગામમાં કાચા મકાનમાં રહેતી માનસિક અસ્થિર નિરૂ નામની મહિલા સાથે દુષ્કર્મ કરવા ઘરમાં ઘૂસી ગયો હતો. ગવટખા ગામની નિરૂબેન એક મહિનાથી 65 વર્ષિય સુંદરીબેન રામજીભાઈ વાજવડીયાને ઘરે રહેતી હતી. બુધવારે રાત્રે નિરૂ અને સુંદરીબેન ઘરમાં એકલા હતા ત્યારે નવસુ કુકર્મ કરવાના ઈરાદે ઘરમાંઘૂસી ગયો હતો અને નિરૂનો ઊંઘમાં હાથ પકડી મોઢુ દબાવીને બેઠેલો જોઈ સુંદરીબેને બુમાબુમ કરી હતી તેથી રામદાસ રામજી વાજડીયા (ઉ.વ.42) પાસેના ઘરમાં દોડી આવેલો અને નિરૂને બચાવવા વચ્ચે પડેલો ત્યારે નવસુએ રામદાસને નીચે પાડીને ગુપ્તાંગમાં પાટા મારતા બેભાન થઈ ગયો હતો. તા.પં.નો પૂર્વ સભ્ય રામદાસને સારવાર માટે હોસ્પિટલ ખસેડાયો હતો. પરંતુ તબીબોએ મૃત જાહેર કર્યો હતો. પોલીસે આરોપી નવસુની ધરપકડ કરી જેલ ભેગો કર્યો હતો.
