(વર્તમાન પ્રવાહ ન્યુઝ નેટવર્ક)
દમણ, તા.21: નેશનલ ઈન્સ્ટિટયૂટ ઓફ ફેશન ટેકનોલોજી (NIFT) એ તેના કેમ્પસમાં ‘ક્રાફટ કોન્ગ્લોમેરેટ’નું આયોજન કર્યું હતું. ક્રાફટ કોંગલોમેરેટમાં ક્રાફટ માર્કેટ, કારીગર જાગૃતિ કાર્યક્રમો અને આદિવાસી કારીગરો પર ધ્યાન કેન્દ્રિત કરતા ટોક શોનો સમાવેશ થાય છે. અમદાવાદ ચેમ્બર ઓફ કોમર્સના પ્રમુખ શ્રીમતી હેતલ સોલંકી, શિલ્પ ગુરૂ બાદશાહ મિયાં, સુરત અને અમદાવાદના કારીગરો હર્ષદ સોલંકી અને વર્ષા એસ. (એમ્બ્રોઈડરી), રિદ્ધિ સોલંકી (પેચ વર્ક), ચેતના ઘોલી, વિજયભાઈ પટોળા, પિંકી દલવાડી, જયશ્રી ચાવડા, વૈભવી અમીન, શર્મિષ્ઠા પટેલ, જ્યોતિ રાવલ, શૈલેષભાઈ ગોહેલ, શંકર પીટવા, કાકુડીબેન, દિલીપ જગડ, અને સોનલ દીપક સોલંકીએ હસ્તકલા નિદર્શનમાં ભાગ લીધો હતો.કેમ્પસ ડાયરેક્ટર ડો.સંદીપ સચાને કાર્યક્રમનું ઉદ્ઘાટન કર્યું હતું. આપણી અર્થવ્યવસ્થામાં ગામડાંઓમાંથી હસ્તકલાના અમૂલ્ય યોગદાનને ઓળખીને અને લોકોના જીવનને સાંકળી લેતા, NIFTદમણએ ક્રાફટ મીટ દ્વારા આ હસ્તકલાઓ અને તેમના સાંસ્કળતિક મહત્વને રજૂ કર્યા છે.
