નિર્દોષ જાનવરો બેમોત મરી રહ્યા છે, તંત્ર ચુપ છે :
ટેમ્પો ચાલક અકસ્માતકરી ફરાર થઈ ગયો
(વર્તમાન પ્રવાહ વાપી બ્યુરો)
વાપી, તા.04: વલસાડ વશીયરમાં રોડ ઉપર બેઠેલ ગાયોના ટોળા ઉપર મળસ્કે ત્રણથી ચાર વાગ્યાના સુમારે છોટા હાથી ટેમ્પો ફરી વળતા ત્રણ ગાયોના ઘટના સ્થળે મોત થતા જીવદયા પ્રેમીઓમાં અરેરાટી પ્રસરી જવા પામી હતી.
વશીયર મધરમેરી સ્કૂલ સામે આજે મળસ્કે અજાણ્યો છોટા હાથી ટેમ્પો રોડ ઉપર બેઠેલ ગાયોના ટોળા ઉપર ફરી વળ્યો હતો. અકસ્માતમાં ત્રણ ગાયો મૃત્યુ પામી હતી. વશીયર ગામના સરપંચ પ્રકાશભાઈ પટેલ ઘટના સ્થળે દોડી આવ્યા હતા. રસ્તા વચ્ચે પડેલી મૃત ગાયોને ખસેડી હતી. રખડતા ઢોરો સાથે અકસ્માત થતા રહે છે. તંત્ર મૌન છે. અકસ્માત સર્જી ટેમ્પો ચાલક ફરાર થઈ ગયો હતો પરંતુ ઘટના સી.સી.ટી.વી.માં કેદ થઈ હતી.