(વર્તમાન પ્રવાહ ન્યુઝ નેટવર્ક)
પારડી, તા.29: વલસાડ એલસીબી પીઆઈ વી.બી. બારડની સૂચના અનુસાર એલસીબીની ટીમ પારડી વિસ્તારમાં પેટ્રોલિંગ કરી રહી હતી. આ દરમિયાન દારૂ ભરેલો ટેમ્પો દમણથી બગવાડા થઈ નીકળી રહ્યો હોવાની બાતમી મળતા તેઓએ બગવાડા પારસ પેટ્રોલ પંપ ખાતે વોચ ગોઠવતા બાતમીવાળો ટેમ્પો નંબર જીજે 15 એટી 0816 આવતા તેને અટકાવી તપાસ દરમિયાન દમણ બનાવટનો વિદેશી દારૂ 185 બોક્સમાં 7440 નંગ દારૂની બોટલ કિંમત રૂપિયા 8,94,000 મળી આવતા ટેમ્પોની કિંમત રૂપિયા 4 લાખ મળી કુલ 12.99 લાખનો મુદ્દામાં કબજે કરી ટેમ્પો ચાલક મઝહર રહેમતુલ્લા ખાન રહે.વાપી ડુંગરી ફળિયાની ધરપકડ કરી પૂછપરછ દરમ્યાન આ દારૂ વાપી કરવડ ખાતે રહેતા રોનક સિંગ સુનિલસિંગે ભરી આપી સુરત ઉધના ખાતે સોલેહ ખાનને આપવાનો હોય આ બંને ઈસમોને વોન્ટેડ જાહેર કરી વધુ તપાસ હાથ ધરી છે.
