દમણ-દીવ લોકસભા બેઠક માટે રસપ્રદ બનનારો જંગઃ 2019ની ચૂંટણી બાદ બદલાયેલા અનેક સમીકરણો
પ્રારંભિક ત્રિ-પાંખિયા જંગના એંધાણઃ ભાજપ માટે પડકારની ઉભી થનારી સ્થિતિ
(વર્તમાન પ્રવાહ ન્યુઝ નેટવર્ક)
દમણ, તા.11 : લોકસભાની દમણ અને દીવ બેઠક માટે કોંગ્રેસે શ્રી કેતનભાઈ પટેલ ઉપર પસંદગી ઉતારી હોવાની માહિતી વહેતી થતાં હવે ચૂંટણી જંગ રસપ્રદ થવાના એંધાણ પ્રગટ થઈ રહ્યા છે.
પ્રાપ્ત માહિતી પ્રમાણે ભાજપે પોતાના ઉમેદવાર તરીકે વર્તમાન સાંસદશ્રી લાલુભાઈ પટેલની કરેલી ઘોષણા બાદ દમણ અને દીવમાં એકતરફી માહોલ દેખાતો હતો. પરંતુ કોંગ્રેસે શ્રી કેતનભાઈ પટેલ ઉપર કળશ ઢોળતાં હવે દમણ-દીવમાં રસાકસીનું વાતાવરણ સર્જાવાની શક્યતા દેખાઈ રહી છે.
બીજી બાજુ અપક્ષ તરીકે શ્રી ઉમેશભાઈ પટેલ નિશ્ચિત હોવાનું મનાતા દમણ-દીવમાં ફરી એકવાર ત્રિ-પાંખિયો જંગ સર્જાવાની શક્યતા દેખાઈ રહી છે. 2019ની રાજકીય સ્થિતિ સામે 2024માં સમીકરણો અનેક રીતે બદલાયેલા છે. ત્યારે ત્રિ-પાંખિયા જંગમાં ત્રણેય ઉમેદવારો વચ્ચે કાંટાની ટક્કર થશે એવું પ્રારંભિક તારણ પ્રગટ થઈ રહ્યું છે. આવતા દિવસોમાં સમીકરણો કેવા બને અને કોણ કેવી રણનીતિ અપનાવે તેના ઉપર તમામ પરિણામનો આધાર રહેશે.
