(વર્તમાન પ્રવાહ ન્યુઝ નેટવર્ક)
ચીખલી, તા.૦૮
ચીખલી થાલા ગામે મુખ્ય માર્ગ ઉપર કોમ્પ્લેક્ષનું બાંધકામ ગેરકાયદેસર હોવાની લેખિત રજૂઆત બાદ ટીડીઓ દ્વારા તપાસ હાથ ધરવામાં આવી હોવાની ઘટના પ્રકાશમાં આવી છે. તપાસ બાદ શરતભંગથી સંતોષ માનવામાં આવશે કે પછી આકરણી રદ કરવા સહિતની દાખલારૂપ કાર્યવાહી થશે તેવી લોકોમાં ચર્ચાઅો ઉઠવા પામી છે.
પ્રા માહિતી અનુસાર ટીડીઓને જાગૃત નાગરિક દ્વારા કરાયેલ લેખિત રજૂઆતમાં જણાવ્યું છે કે થાલા મુકામે બીનખેતીની જમીનમાં આબેદ બિઝનેશ સેન્ટરના નામથી બિલ્ડીંગનું બાંધકામ કરેલ છે. જે બાંધકામવાળી જમીનમાં ઍનઍ હુકમની વિરૂધ્ધ જઇ મકાનની જગ્યાઍ દુકાનોનું બાંધકામ કરેલ છે. જે બાંધકામમાં હાલમાં આકરણી કરવામાં આવેલ છે. ઍનઍ હુકમની તદ્દન વિરૂધ્ધ રીતનું ગેરકાયદેસર અને નગર નિયોજનના નિયમોની વિરૂધ્ધ કરેલ છે. જે બિલ્ડીંગમાં ખાળકુવો ખરાબાની જમીનમાં બનાવેલ છે. ખૂંધ પંચાયતના રસ્તાનું માર્જીન છોડલ નથી.
ઉપરોક્ત નિયમ વિરૂધ્ધના ગેરકાયદેસર બાંધકામ અંગે તપાસ કરાવી કાર્યવાહી કરવાની માંગ જાગૃત નાગરિક દ્વારા કરવામાં આવી છે. થાલામાં ગેરકાયદેસર બાંધકામ અંગેની લેખિત રજૂઆતમાં ટીડીઓ દ્વારા તપાસ હાથ ધરવામાં આવી છે. ત્યારે નગર નિયોજક નકશા મંજૂરી મુજબ ઉપરાંત ઍનઍ શરત મુજબ બાંધકામ થયેલ છે કે કેમ ઉપરાંત ૧૨મીટરની મર્યાદામાં બાંધકામની મંજૂરી સામે થયેલ બાંધકામ,ખરાબાની સરકારી જગ્યામાં બાંધકામ થયેલ છે કે કેમ તે સહિતની તમામ બાબતે ઝીણવટભરી તપાસ કરાવી કાયદેસરની કાર્યવાહી કરવામાં આવશે કે પછી માત્ર શરત ભંગની કાર્યવાહીથી સંતોષ માનવામાં આવશે તે જોવું રહ્નાં.
થાલાના તલાટી અલ્પેશ મકવાણાના જણાવ્યાનુસાર ગેરકાયદેસર બાંધકામ બાબતે તાલુકા પંચાયત દ્વારા માંગવામાં આવેલા કાગળો આપેલા છે.જેથી હવે તપાસ થશે. બિલ્ડીંગમાં બે માલ સુધીની આકરણી કરી દીધેલ છે. પીઓ કમ ટીડીઓ શ્રી હિરેન ચૌહાણના જણાવ્યાનુસાર થાલામાં ગેરકાયદેસર બાંધકામ અંગેની રજૂઆતમાં ઍનઍના હુકમ સહિતના આધાર પુરાવા મંગાવ્યા છે. બાંધકામની ૧૨મીટર ઉંચાઈ સુધીની મર્યાદા જળવાઈ હોય તેવું લાગતું નથી. ત્યારે તમામ ડોક્યુમેન્ટ આવી ગયા બાદ ઊંચાઈ પણ માપી લેવામાં આવશે.
