દારૂ તથા ડમ્પર મળી રૂા.14.36 લાખનો મુદ્દામાલ જપ્ત કરી ચાલક રાહુલ રાજારામ યાદવની પોલીસે ધરપકડ કરી
(વર્તમાન પ્રવાહ વાપી બ્યુરો)
વાપી, તા.11: વલસાડ હાઈવે સુગર ફેક્ટરી પાસેથી વલસાડ રૂરલ પોલીસે આજે મંગળવાર સવારે રૂા.4.36 લાખનો દારૂનો જથ્થો ભરેલી ડમ્પર ટ્રક ઝડપી પાડી હતી. પોલીસે ચાલકની અકટ કરી કાયદેસરની કાર્યવાહી કરી હતી.
વલસાડ પોલીસને મળેલી બાતમી આધારે હાઈવે સુગર ફેક્ટરી પાસે હાથ ધરેલ ચેકિંગમાં વાપી તરફથી આવી રહેલ ડમ્પર ટ્રક નં.ડીડી 01 એચ 9588 ને અટકાવી પોલીસે ચેકિંગ કરેલ ત્યારે ટ્રકમાંથી રૂા.4.36 લાખની કિંમતનો દારૂનો વિપુલ જથ્થો મળી આવ્યો હતો. દારૂ તથા ડમ્પર ટ્રક મળી પોલીસે કુલ 14.36 લાખનો મુદ્દામાલ જપ્ત કર્યો હતો. તથા ડમ્પર ચાલક વિરૂધ્ધ રાજારામની અટક કરી કાયદેસરની કાર્યવાહી કરી હતી.
