(વર્તમાનપ્રવાહ વાપી બ્યુરો)
વાપી, તા.03: આજરોજ તા.03 જુલાઈ 2024 એ ધારાસભ્ય રમણભાઈ પાટકરજીએ ડુંગરા કોલોનીમાં જિલ્લા પંચાયત સંચાલિત સ્કૂલમાં વૃક્ષારોપણ કાર્યક્રમમાં ઉપસ્થિત રહી વૃક્ષારોપણ કર્યું હતું. તેમજ સ્કૂલમાં મધ્યાહન ભોજનમાં બાળકોને ભોજન બરાબર અપાય છે કે કેમ તે બાબતે પણ બાળકો અને શિક્ષકગણ સાથે વાર્તાલાપ કરી માહિતી મેળવી હતી. મળેલ માહિતી પ્રમાણે ધારાસભ્યએ સંતોષ વ્યક્ત કર્યું હતું. કાર્યક્રમમાં ધારાસભ્ય સાથે જિલ્લા પંચાયતના સભ્ય દિપકભાઈ મિષાી, વાપી ન.પા.નાં વોર્ડ નં.5નાં સભ્ય નયનાબેન કે. પટેલ, ભાજપ આર્થિક સેલનાં જિલ્લા સંયોજક મહેશભાઈ ભટ્ટ, વાપી તાલુકા ભાજપ પ્રભારી અને પૂર્વ વાપી ન.પા.નાં પ્રમુખ પરેશભાઈ દેસાઈ, પૂર્વ વાપી ન.પા.નાં પ્રમુખ રુદ્રનારાયણ સિંહ, ડુંગરા ગામનાં ભાજપનાં અગ્રણીઓ દિપકભાઈ પટેલ, કાન્તિભાઈ પટેલ અને મુન્નાભાઈ પટેલ વિગેરે ઉપસ્થિત રહ્યા હતા.
