(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.12: ચીખલી નેશનલ હાઇવે ઓવરબ્રિજ ઉપર અકસ્માત સર્જાતા વલસાડ-સુરત હાઇવે પર વાહનોની લાંબી કતાર લાગી જતા મજીગામ, હોન્ડ સુધી એકાદ કિલોમીટર કરતા વધુ લાંબી કતાર લાગી હતી. હાઈવે પર ટ્રાફિક જામ થતા કેટલાક વાહન ચાલકોએ મજીગામમાંથી પસાર થતા આંતરિક માર્ગનો સહારો લેતા ત્યાં પણ ટ્રાફિક જોવા મળ્યો હતો. હાઈવે સાથે ચીખલી ઓવરબ્રિજના સર્વિસ રોડ ઉપર પણ આજ સ્થિતિ સર્જાઈ હતી. કલાક કરતા વધુ સમય ટ્રાફીક જામ રહેતા વાહન ચાલકોને ભારે હાલાકી વેઠવી પડી હતી. જોકે સ્થળ ઉપર પહોંચેલી પોલીસે ટ્રાફિક ખુલ્લો કર્યો હતો.
