કરોડો રૂપિયાના ખર્ચે ટ્રેકની સેફટી પ્રોટેકશન માટે ખર્ચ કરાયો છે
છતાં અકસ્માત યથાવત
(વર્તમાન પ્રવાહ વાપી બ્યુરો)
વાપી, તા.22: પશ્ચિમ રેલવે દ્વારા સુપરફાસ્ટ વંદે ભારત ટ્રેન સફળતાપૂર્વક ચાલી રહી છે. ટ્રેન શરૂ થઈ હતી ત્યારે ઉપરી બે થી ત્રણ અકસ્માત ટ્રેક ઉપર સર્જાયા હતા. રખડતા જાનવરો ટ્રેનની સામે આવી જવાના બનાવો બનતા રહેલા તેથી 150 કરોડને ખર્ચે રેલવે ટ્રેક પ્રોટેકશનનો પ્રોજેક્ટ કાર્યરત કરવામાં આવ્યો છે. તેમ છતા ગતરોજ સાંજના વાપીથી અમદાવાદ તરફ જઈ રહેલી વંદે ભારત ટ્રેન એન્જિન સામે ગાય આવી જતા અકસ્માત સર્જાયો હતો.
વાપી નજીક બલીઠા પાસે વંદે ભારત ટ્રેન સામે આવી ગયેલી ગાયના કારણે અકસ્માત સર્જાતા ટ્રેનને થોડો સમય થોભાવી દેવાઈ હતી. આર.પી.એફ. તથા રેલવે અધિકારીઓ ઘટના સ્થળે દોડી આવ્યા હતા. ટ્રેક ઉપરથી મૃત ગાયને હટાવી લેવાયા બાદ ટ્રેન પૂર્વવત ચાલુ કરાઈ હતી. અકસ્માતમાં ટ્રેન અને મુસાફરો સંપુર્ણ સલામત રહ્યા હતા.
