(વર્તમાન પ્રવાહ વાપી બ્યુરો)
વાપી, તા.28: ગઈ તા.27-08-2024 ના આશરે બપોરે સાડા ત્રણ વાગેના અરસામાં ઉમરગામના દેવધામ વિસ્તારમાં આવેલ ચાલીમાં એક ત્રણ વર્ષ અને ત્રણ માસની બાળકી સાથે દુષ્કર્મ બનાવ બનેલ હતો જે બાબતની જાણ બાળકીનાવાલીએ ઉમરગામ પો.સ્ટે.માં આશરે સાંજે છ વાગે કરતા ઉમરગામ પોલીસ તાત્કાલિક સદર બનાવને ગંભીરતાથી લઈ પોલીસ અધિક્ષકશ્રી વલસાડને જાણ કરતા વલસાડ પોલીસ અધિક્ષકશ્રી ડો.કરણરાજ વાઘેલા તાત્કાલિક સ્થળ ઉપર પહોંચી ગયેલા અને તેમના માર્ગદર્શન નીચે ભોગ બનનાર બાળકીના વાલી વારસની ફરીયાદ રજીસ્ટર્ડ કરી વલસાડ જિલ્લા પોલીસની ક્રાઈમ બ્રાંચ, સ્પેશ્યલ ઓપરેશન ગૃપ, તેમજ જિલ્લાના ચુનંદા અધિકારીઓની અલગ અલગ ટીમો બનાવી આરોપીને ગણતરીના કલાકોમાં મહારાષ્ટ્ર રાજ્યમાંથી પોતાના વતન તરફ ભાગતો પકડી પાડયો છે. બાળકીને તાત્કાલિક મેડીકલ સારવાર કરાવતા બાળકી હાલમાં સારવાર હેઠળ તેમજ સ્વસ્થ છે. આ ગુન્હામાં આરોપીને સખતમાં સખત દાખલા રૂપ સજા થાય તે માટે નાયબ પોલીસ અધિક્ષકશ્રી વાપીની અધ્યક્ષતામાં સ્પેશ્યલ ઈન્વેસ્ટીગેશન ટીમની રચના કરવામાં આવી છે. આરોપી વિરૂધ્ધ તપાસ દરમ્યાન વૈજ્ઞાનિક, ફોરેન્સિક, મેડીકલ તેમજ સાંયોગીક પુરાવાઓ મેળવી તાત્કાલિક ચાર્જશીટ કરી ફાસ્ટ્રેક કોર્ટમાં કેસ ચલાવવામાં આવનાર છે.
