સમગ્ર દક્ષિણ ગુજરાતમાં શ્રેષ્ઠ પ્લેટફોર્મ સાથે રોટરી ક્લબ ઓફ દાદરા નગર હવેલી દ્વારા સેલવાસમાં ‘‘થનગનાટ સિઝન-3” નવરાત્રી મહોત્સવનું ભવ્ય આયોજન
(વર્તમાન પ્રવાહ ન્યુઝ નેટવર્ક)
સેલવાસ, તા.04 : સમગ્ર દક્ષિણ ગુજરાતમાં શ્રેષ્ઠ પ્લેટફોર્મ સાથે રોટરી ક્લબ ઓફ દાદરા નગર હવેલી દ્વારા સેલવાસમાં ‘‘થનગનાટ સિઝન-3” નવરાત્રી મહોત્સવનું ભવ્ય આયોજન કરવામાંઆવ્યું છે.
છેલ્લા ત્રણ વર્ષથી રોટરી ક્લબ દ્વારા ગરબા ખેલૈયો માટે ડોમ બનાવી એક સુંદર પ્લેટફોર્મ આપવાની પરંપરા છે. જેથી ખેલૈયાઓને પણ રમવાનો આનંદ આવે છે, સાથે જ સેફટીનું પણ ધ્યાન રહે છે. દાદરા નગર હવેલી રોટરી ક્લબના પ્રેસિડન્ટ શ્રી રાજન સોલંકી દ્વારા જણાવાયું છે કે, ગરબા ખેલૈયોને કોઈપણ તકલીફ નહીં પડે એ માટે અમે ડોમ બનાવીએ છીએ, જેથી વરસાદથી બચી શકાય એ ગરબા ખેલૈયાઓને તકલીફ નહીં પડે. સેલવાસના ગરબા ખેલૈયાઓએ ટ્રેડીશનલ ગરબા રમવા માટે વાપી, વલસાડ કે દમણ સુધી લંબાવા પડતું હતું. પરંતુ હવે સેલવાસમાં વાપી તેમજ વલસાડથી ખેલૈયાઓ અહીં ગરબા રમવા આવે છે. ગરબા રમવા માટે સરસ પ્લેટફોર્મ પૂરૂં પાડવા બદલ ગરબા ખેલૈયાઓએ પણ રોટરી ક્લબનો આભાર માન્યો હતો.
