March 29, 2024
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

ચીખલી તાલુકા સેવા સદનમાં આધારકાર્ડ-પાનકાર્ડ લિંક અને સુધારો-વધારો કરવા માટે અરજદારોની લાગેલી કતારો

(વર્તમાન પ્રવાહ ન્‍યુઝ નેટવર્ક)
ચીખલી(વંકાલ), તા.24: ચીખલી તાલુકા સેવા સદનમાં આધારકાર્ડ પાનકાર્ડ લિંક કરવાની કામગીરી વચ્‍ચે આધારકાર્ડ પાનકાર્ડમાં ભૂલો સુધારવા માટે અરજદારોની લાંબી કતાર લાગતા મુશ્‍કેલી પડતા રોષ ફેલાઈ જવા પામ્‍યો છે.
સરકાર દ્વારા પાનકાર્ડને આધારકાર્ડ સાથે લિંક કરવાની મુદત 31-માર્ચઆપવામાં આવી છે. આ દરમ્‍યાન આધારકાર્ડ-પાનકાર્ડમાં નામોની જોડણીમાં ભૂલ, જન્‍મ તારીખ, ઉંમર વગેરેમાં ભૂલ કે તફાવત હોય તેને સુધારવાનું અરજદારો માટે આવશ્‍યક બનતા હાલે તાલુકા સેવા સદનમાં અરજદારોની મોટી ભીડ જોવા મળી રહી છે. આવી જ સ્‍થિતિ સાયબર કાફેમાં પણ થવા પામી છે.
આધારકાર્ડ-પાનકાર્ડ લિંક ન થયા હશે તેઓના બેંકના ખાતાઓ સ્‍થગિત થશે તેવી ભીતિ વચ્‍ચે લોકોની દોડધામ વધી જવા પામી છે. યોગ્‍ય માર્ગદર્શનના અભાવે ખાસ કરીને સામાન્‍ય માણસોની હાલત કફોડી બનવા પામી છે.
હવે એ કામગીરી પુરજોશમાં હોય સર્વર પણ ધીમું ચાલતું હોવાની ફરિયાદ ઉઠવા પામી છે. અને જેને પગલે લોકોએ કલાકો સુધી લાઈનમાં ઉભા રહેવાની નોબત આવી છે. બીજી તરફ કેટલાક તકસાધુઓ આ તકનો લાભ લઈ વધુ રકમ વસુલાત કરતા હોવાની ફરિયાદ ઉઠવા પામી છે.
આ ઉપરાંત જન્‍મ તારીખમાં ભૂલ સુધારવા માટે જન્‍મનો અસલ દાખલો માંગવામાં આવતા ખાસ કરીને સિનિયર સિટીઝનોની મુશ્‍કેલી વધવા પામી છે. 50-60 વર્ષ પહેલાનો જન્‍મનો દાખલો મેળવવો અનેક મુશ્‍કેલીઓ સર્જાતી હોય સરકારના આયોજન વિનાના કારભારમાં સામાન્‍ય માણસોએ ભારે હાલાકી વેઠવાની નોબત આવી છે.

Related posts

વલસાડ જિલ્લાની મામલતદાર કચેરીઓમાં નવા રેશનીંગ કાર્ડ બનાવવાની કામગીરીમાં વેઠ

vartmanpravah

દાનહ પોલીસ અધિક્ષક હરેશ્વર સ્‍વામીએ ભારત સ્‍કાઉટ ગાઈડનું કરેલું વિશેષ સન્‍માન

vartmanpravah

જિલ્લા વિજ્ઞાન કેન્‍દ્ર ધરમપુર ખાતે સ્‍વતંત્રતાના 75 વર્ષઃ વિજ્ઞાન અનેટેકનોલોજીમાં ભારતની સિદ્ધિઓપ્રદર્શનનું ઉદ્‌ઘાટન કરાયું

vartmanpravah

દીવ જિલ્લામાં આજે સાત દિવસીય ગણપતિ બાપ્‍પાનું વિસર્જન કરવામાં આવ્‍યું

vartmanpravah

ઉમરગામમાં વ્યસનના રવાડે ચઢેલા પતિનું અભયમની ટીમે કાઉન્સેલિંગ કરી સંસાર થાળે પાડયો

vartmanpravah

અબ્રામા હાઈવે ઉપર બે બાઈક ભટકાતા પડી ગયેલ યુવાન ઉપર ટ્રેક્‍ટરનું ટાયર ફરી વળતા કરુણ મોત

vartmanpravah

Leave a Comment