-
આર.સી.સી. રોડ 7.5 મીટર પહોળો અને 1500 મીટર લાંબો તૈયાર થશે
(વર્તમાન પ્રવાહ વાપી બ્યુરો)
વાપી, તા.17
વાપીના કોપરલી રોડની હાલત ચોમાસામાં સૌથી વધારે કંગાલ સ્થિતિ હતી તેથી વાહન ચાલકો અને સ્થાનિક છીરી-રામનગર-રાતામાં રહેતા રહીશો ખરાબ રોડને લઈ કંટાળી ગયા હતા. પરંતુ સારા સમાચાર એ છે કે, એ ખરાબ રોડ હવે ભૂતકાળ બની જશે. રૂા.17 લાખના ખર્ચે નવિન આર.સી.સી. રોડની કામગીરીનો આરંભ થઈ ચૂક્યો છે.
વાપી, ગુંજન, અંબામાતા, સી-ટાઈપ વિસ્તાર છોડયા પછી કોપરલી રોડની હાલત ચોમાસાએ બેહાલ કરી દીધી હતી. ખરેખર તો વાપી-કોપરલી રોડ હાર્ટલાઈન રોડ છે. હજારો લોકો વાપી અવર-જવર કરવા રોજીંદો ઉપયોગ કરે છે પરંતુ ચોમાસાએ રોડની હાલતખસ્તાહાલ બનાવી દીધી હતી. મસમોટા ખાડે-ખાડા ઠેર ઠેર પડી ગયા હતા તેથી વાહન ચાલકો હેરાન-પરેશાન થઈ ગયા હતા. પરંતુ આ સમસ્યાનો અંત આવશે. પી.ડબલ્યુ.ડી. અને છીરી ગ્રામ પંચાયત અંતર્ગત રૂા.17 લાખના ખર્ચે નવિન આર.સી.સી. રોડ બનાવવાની કામગીરી શરૂ થઈ ચૂકી છે. 7.5 મીટર પહોળો અને 1500 મીટર લંબાઈ ધરાવતો આર.સી.સી. રોડ લોકોને ટૂંક સમયમાં મળશે તેથી ખરાબ રોડ ભૂતકાળની ઘટના બની જશે.
