ભાજપના કાર્યકર્તાઓએ પ્રશાસનના ગ્રામલક્ષી અભિગમની કરેલી પ્રશંસા
(વર્તમાન પ્રવાહ ન્યુઝ નેટવર્ક)
દમણ, તા.22
ભારતીય જનતા પાર્ટી દમણ જીલ્લા પ્રમુખ શ્રી અસ્પીભાઈ દમણીયાની આગેવાની હેઠળ દમણ જીલ્લા ભાજપની ટીમે મગરવાડા ગ્રામ પંચાયતમાં આયોજીત ‘પ્રશાસન ગાંવ કી ઓર’ કાર્યક્રમની મુલાકાત લીધી હતી. ટીમ ભાજપે કાર્યક્રમ સ્થળ ઉપર ઉપસ્થિત લોકો સાથે વાતચીત કરી હતી અને તેમના અનુભવો સાંભળી – સમજી અને જરૂરી સૂચનો આપ્યા હતા.
આ કાર્યક્રમમાં આયુષ્માન ભારત કાર્ડ રજીસ્ટર/નવીનીકરણ, રસીકરણ, સિટી સર્વે, મામલતદાર, કલેક્ટર, કર્મચારી વિભાગના કાર્યો પંચાયત ઘર ખાતે જ પ્રશાસન દ્વારા લોકોને ઉપલબ્ધ કરાવવામાં આવ્યા હતા.
આ અવસરે મુલાકાત લેનાર જિલ્લાની ભાજપ ટીમમાં જિલ્લા પ્રમુખ શ્રી અસ્પી દમણિયા, જિલ્લા મહાસચિવ શ્રી વિમલ પટેલ, જિલ્લા ઉપાધ્યક્ષ શ્રી રૂકમણીબેન ભાનુશાલી, જિલ્લા સચિવ શ્રી કિરીટ દમણિયા, મગરવાડા જિલ્લા પંચાયત સભ્ય ગોદાવરીબેન પટેલ, મગરવાડા સરપંચ લખીબેન પ્રેમાભાઈ પટેલ સહિત શ્રી શીતલભાઈ પટેલ વગેરે ઉપસ્થિત રહ્યા હતા.
