પારડીના ખૂંટેજ ગામે વળાંકમાં ટેમ્‍પો અને બાઈક સામ સામે અથડાતા બાઈક ચાલકનું મોત

મૃતક બાઈક ચાલક ધરમપુરના ખાંડાભવાડા ગામનો હોવાની ઓળખ

(વર્તમાન પ્રવાહ ન્‍યુઝ નેટવર્ક)
પારડી, તા.28
પારડી તાલુકાના ખૂંટેજ ગામે પરિયાથી ગોઈમાં જતા માર્ગ પર પ્‍લસર બાઈક અને પિકઅપ ટેમ્‍પો સામ સામે અથડાતા ગંભીર અકસ્‍માત સર્જાયો હતો. જેમાં બાઈક ચાલકને પહોંચેલી ગંભીર ઈજાને પગલે ઘટના સ્‍થળે કરુણ મોત નીપજવા પામ્‍યું છે.
પરિયાથી ગોઈમાં જતા માર્ગ પર મંગળવારના સાંજે ખૂંટેજ નિશાળ ફળીયા નજીક વળાંકમાં પરિયા તરફથી આવતી પલસર બાઈક નંબર ઞ્‍થ્‍ 15 ઝઘ્‍ 9637 અને ગોઈમાંથી સેલવાસ તરફ જતો પિકઅપ ટેમ્‍પો નંબર ઝફ 09 શ્‍ 9478 સામસામે અથડાતા ગંભીર અકસ્‍માત સર્જાયો હતો.
વળાંકને લઈ નજરે નહીં ચઢતા બંને વાહનો સામ સામે અથડાયા હતા. અકસ્‍માતમાં બાઈક ચાલક ગંભીર રીતે ઈજાગ્રસ્‍ત થતાં પારડી પોલીસ અને 108 એમ્‍બ્‍યુલન્‍સને જાણ કરાતા બન્ને ઘટના સ્‍થળે પહોચ્‍યાં હતી. પરંતુ બાઈક ચાલકને માથા અને શરીરના ભાગે પહોંચેલી ગંભીર ઈજાને પગલે ઘટના સ્‍થળે જ તેનું પ્રાણ-પંખેરૂ ઉડી ગયું હતું. બાઈક ચાલકનું નામ અજીત લાહની ગવળી (ઉ.વ.30) રહેવાસી- ખાંડાભવાડા તાલુકા ધરમપુરનો હોવાની ઓળખ થતાં પોલીસે મૃતકના પરિવારને અકસ્‍માતની જાણ કરી હતી અને લાશનો કબ્‍જો લઈ પોસ્‍ટમોર્ટમ(પી.એમ.) માટે પારડી સી.એચ.સી. હોસ્‍પિટલ લઈ જવાયો હતો.
પિકઅપટેમ્‍પો ચાલક નીતિનભાઈ ચીમનભાઈ પટેલ રહે. સેલવાસ, ભુરકુડ ફળીયા, ટોકરખાડાની ધરપકડ કરી વધુ તપાસ હાથ ધરી છે.