<ફાઈલ તસવીર(વર્તમાન પ્રવાહ ન્યુઝનેટવર્ક)
સેલવાસ , તા.12
સેલવાસના બાવીસા ફળિયામાં રહેતા એક યુવાન બજારમાં જઈ રહ્યો હતો તે સમયે અચાનક પતંગની દોરી ગળા પર આવી જતા એને હટાવવાના પ્રયાસમાં ચેહરા પર દોરી આવી જતા ગાલ અને હોઠ પર ગંભીર ઇજા થઈ હતી. જેને કારણે 15 ટાંકાઓ આવ્યા હતા.
પ્રાપ્ત વિગત અનુસાર દિપક પાટીલ રહેવાસી સાંઈ ઓર્ચિડ સોસાયટી બાવીસા ફળિયા જેઓ એમની બાઈક પર કિલવણી નાકા તરફ જઈ રહ્યા હતા. તે સમયે અચાનક પતંગની દોરી ગળાના ભાગે આવી ગઈ હતી જેને હટાવવા જતા ગાલના ભાગે ભેરવાઈ ગયો હતો સાથે મોઢાના ભાગે હોઠને પણ ગંભીર ઇજા થઇ હતી.
જેને તાત્કાલિક સારવાર અર્થે વિનોબાભાવે સિવિલ હોસ્પિટલમાં દાખલ કરવામા આવ્યા હતા. જ્યા એમને પંદરથી વધુ ટાંકા આવ્યા હતા.
મહારાષ્ટ્ર જન સેવા સંગઠનના અગ્રણી શ્રી સુનિલ મહાજને જણાવ્યું હતું કે, મકર સંક્રાંતિના તહેવાર આવી રહ્યો છે. પતંગ ઉડાવનારની સંખ્યાઓ વધી રહી છે પરંતુ થોડીક બેજવાબદારીના કારણે કોઈનો જીવ લઇ શકે એમ છે જેથી ધ્યાન રાખી તહેવાર ઉજવીયે સાથે બાઈક સવારોએ પણ આ મકરસંક્રાંતિ તહેવારના દિવસોમા થોડી સાવધાની રાખે જેથી આવી ઘટનાઓને અટકાવી શકાય.
