(વર્તમાન પ્રવાહ ન્યુઝ નેટવર્ક)
દમણ, તા.13
દાનહ અને દમણ-દીવના કેન્દ્ર શાસિત પ્રદેશોના વીજળી વિભાગ/નિગમના ખાનગીકરણના નિર્ણયને રોકવા માટે પ્રદેશના ચાર પત્રકારો દ્વારા ચલાવવામાં આવી રહેલા અભિયાનને આજે દમણની વધુ બે ગ્રામ પંચાયતોએ સમર્થન આપ્યું છે.
જેમાં દમણની મરવડ ગ્રામ પંચાયતના સરપંચ પ્રીતિબેન હળપતિ અને દુણેઠા ગ્રામ પંચાયતના સરપંચ સવિતાબેન ભરતભાઈ પટેલે પોતપોતાના વિસ્તારના લોકો વતી ખાનગીકરણને રોકવાની માંગ ઉપર પોતાનું સમર્થન ખાનગીકરણ અટકાવવા પત્રકારો દ્વારા ચલાવવામાં આવી રહેલી અભિયાનને સમર્થન આપતો પત્ર આપ્યો છે.
બંને મહિલા સરપંચે ભારત સરકાર સમક્ષ માંગ કરી છે ખાનગીકરણ કરવાનો નિર્ણય લેવામાં આવ્યો છે પરંતુ આ નિર્ણય ઉપર પુનઃ વિચારણા કરવાની જરૂર છે.
અત્રે નોંધનીય છે કે અત્યાર સુધીમાં દમણની કુલ 1ર ગ્રામ પંચાયતો દ્વારા ભારત સરકારને પુનર્વિચાર માટે અપીલ કરવામાં આવી છે.
