(વર્તમાન પ્રવાહ વાપી બ્યુરો)
વાપી, તા.29
ગત તા.27 નવેમ્બર 2021 મિક્સ માર્શલ આર્ટ્સના મહાન ગુરૂ સીકુ બ્રુસલીના જન્મ દિને કપરાડા તાલુકામાં જીત કુને-ડો એસોસિએશન દ્વારા માર્શલ આર્ટ્સ વિશેની પરીક્ષાનું આયોજન કરવામાં આવ્યું હતું. જેમાં આદિવાસી કપરાડા તાલુકાનાં વિદ્યાર્થીઓ છેલ્લા 3 વર્ષથી તાલીમ લઈ રહેલા વિદ્યાર્થીઓએ ભાગ લીધો હતો. જેમાં એસોસિએશનનાં પ્રમુખ અને ટ્રેનર કોચ શ્રી વિઠ્ઠલભાઈ રાઉત, શ્રી વિઠ્ઠલભાઈ ભોયા તેમજ પરીક્ષાનાં સુપરવાઈઝર અને જીત કુને-ડો દાનહ પ્રમુખ શ્રી રંજીત ગરોડા પરીક્ષામાં પોતાનુંયોગદાન આપ્યું હતું. આ પરીક્ષામાં યોગ, કરાટે, જીમનાસ્ટીક સેલ્ફ ડિફેન્સની તૈયારી કરી રહેલા વિદ્યાર્થીઓએ ઉત્સાહપૂર્વક ભાગ લીધો હતો.
એસોસિએશનનો મુખ્ય ઉદ્દેશ્ય છે કે, આજના ચાલી રહેલા અને આવનાર સમયમાં અંતરીયાળ વિસ્તારોમાં વિદ્યાર્થીઓ શિક્ષણ સાથે ટેકનિકલ, સ્પોર્ટ્સ માર્શલ આર્ટ્સ જ્ઞાનથી વંચિત ના રહે અને જેઓ પોલીસ અને આર્મીનાં ભરતીમાં જવા ઈચ્છુક છે એવા યુવા-યુવતિઓને આ તાલીમ મદદરૂપ બની રહેશે, સાથે સાથે દરેક બાળક, યુવા-યુવતિઓ સંકટનાં સમયે પોતાની રક્ષા સારી રીતે કરી શકે અને અન્યને પણ મદદરૂપ બની રહે તેમજ આવી કળાઓ શીખી આવનારા સમયમાં પોતાનું, ગામ, તાલુકા, જિલ્લા અને ભારત દેશનું નામ રોશન કરે એવી આશા વ્યક્ત કરી હતી.