335 દર્દીઓ સાજા થયા સૌથી વધારે કેસ વલસાડ વિસ્તારમાં 267 નોંધાયા
(વર્તમાન પ્રવાહ, ન્યુઝ નેટવર્ક) વાપી બ્યુરો, તા.20:
વલસાડ જિલ્લામાં કોરોનાએ ધૂંઆધાર બેટીંગ કરી જિલ્લાને ડેન્જર ઝોનમાં ધકેલી દીધો છે. ગુરૂવારે જીલ્લામાં પાંચ સેન્ચુરી નજીક 446 સ્કોર કોરોનાએ નોંધાવતા સ્થિતિ ગંભીરતા તરફ આગળ ધપી રહી છે.
વલસાડ જીલ્લામાં કોરોના છેલ્લા એક સપ્તાહથી રોજના બમણા વેગે પોઝીટીવ કેસ વધી રહ્યા છે. ગુરૂવારે સૌથી વધારે વલસાડ વિસ્તારમાં 237, પારડી વિસ્તારમાં 50, વાપી 87, ઉમરગામ 28, ધરમપુર 34 અને કપરાડામાં 10 મળી કુલ 446 જેટલા આંચકાજનક કેસો નોંધાયા હતાં. રાહતના સમાચાર એ રહ્યા છે કે ગુરૂવારે 335 દર્દીઓ સાજા થતાં રજા આપવામાં આવી હતી. પરંતુ આ રાહત ક્ષણિક લેખાવવી રહી, કારણકે, જયાં સુધી કોરોનાના કેસોની બેફામ વધતી રફતાર થંભે નહીં ત્યાં સુધી જિલ્લા માટે લાલબત્તી સમાન સ્થિતિ જોવી રહી.
