સેલવાસ કંપનીમાં નોકરી કરતા કપિલ રમેશ ભુરાએ એક પુેત્રીની માતાને પ્રેમજાળમાં ફસાવી હતી
(વર્તમાન પ્રવાહ, ન્યુઝ નેટવર્ક) વાપી બ્યુરો, તા.20
વાપી નજીક આવેલ લવાછા ગામે 30 વર્ષીય પરણિતા પરિવાર સાથે રહી ગુજરાન ચલાવતી હતી. એક પુત્રીની માતા એવી પરણિતાને સેલવાસ નોકરી કરતા યુવક સાથે પ્રેમ સંબંધ બંધાયો હતો. બે-ત્રણ વર્ષ પ્રેમી યુવકે પરણિતાને ભોગવી હતી. પરણિતાએ લગ્ન કરી લેવાનું કહેતા પ્રેમી બેવફાઈ કરી દેતા પરણિતાએ ડુંગરા પોલીસમાં પ્રેમી વિરૂદ્ધ ફરિયાદ નોંધાવી હતી.
લવાછામાં રહેતી 30 વર્ષીય એક પુત્રીની માતાને સેલવાસની એક કંપનીમાં નોકરી કરતો કપિલ રમેશભાઈ ભૂરા સાથે પ્રેમ સંબંધ બંધાયો હતો. કપિલ પરણિતા સાથે વાપી સહિત આસપાસ અનેક વખત શરીર સંબંધ રાખી ભોગવતો રહેતો. કપિલે પરણિતાને કહેલ કે તું છૂટાછેડા લઈ આપણે સાથે જીવન વિતાવીશું. સંબંધમાં આગળ વધી ગયેલી પરણિતા છૂટાછેડા લેવા પણ તૈયાર થઈ હતી. પરંતુ કપિલએ લગ્ન કરવાની ના પાડી દેતાપરણિતાએ કપિલ વિરૂદ્ધ વાપી ડુંગરા પોલીસ સ્ટેશનમાં દુષ્કર્મ કર્યાની ફરિયાદ નોંધાવી હતી.
