(વર્તમાન પ્રવાહ ન્યુઝ નેટવર્ક) દમણ/સેલવાસ, તા.04
દાદરા નગર હવેલી અને દમણમાં એક અઠવાડિયાથી વરસાદ નિરંતર પડી રહ્યો છે.
આજે દમણમાં સવારના 8 વાગ્યાથી સાંજના 5 વાગ્યા સુધી 3.09 ઈંચ વરસાદ ખાબકતા ઠેર ઠેર પાણી પાણી જોવામળ્યું હતું. સમગ્ર દમણ જિલ્લો જળમગ્ન બનતાં લોકોને ગરમીમાં રાહત પણ થઈ હતી અને કેટલાક વિસ્તારોમાં પાણી ભરાવાની સમસ્યા પણ ઉભી થઈ હતી.
દાનહમાં બપોર બાદ વધુ વરસાદ પડવાને કારણે નીચાણવાળા વિસ્તારોમાં પાણી ભરાઈ ગયા હતા. સેલવાસમાં ગાર્ડન રોડ, રીંગ રોડ તેમજ દાદરા ગામે પણ દુકાનોમાં પાણી ઘુસી ગયા હતા. સેલવાસમાં 79.6 એમએમ ત્રણ ઇંચથી વધુ વરસાદ પડયો છે. સિઝનનો કુલ વરસાદ 400.8એમએમ 16ઇંચ વરસાદ થયો છે. દક્ષિણ ગુજરાત અને દાનહ-દમણ માટેની જીવાદોરી સમાજ મધુબન ડેમનું લેવલ 69.80 મીટર છે. ડેમમાં પાણીની આવક 2202ક્યુસેક અને પાણીની જાવક 303 ક્યુસેક નોંધાઈ છે.