(વર્તમાન પ્રવાહ વાપી બ્યુરો) વાપી, તા.30
વલસાડ હાઈવે ઉપર ગુંદલાવ ચોકડી પાસે ગતરોજ એક પલસર બાઈકમાં ભીષણ આગ લાગતા હાઈવે ટ્રાફિક પ્રભાવિત થયો હતો. લોકો એકઠા થઈ ગયા હતા પરંતુ બાઈક ચાલક રહસ્યમય રીતે ઘટના સ્થળેથી ફરાર થઈ ગયો હતો.
ગુંદલાવ હાઈવે ચોકડી ઉપર પલસર બાઈકમાં આગ લાગતા ભડ ભડ બાઈક સળગી ઉઠયુ હતું. વાહન ચાલકો એકત્ર થઈ ગયેલા ટ્રાફિક પણ જામ થઈ ગયેલો પરંતુ બાઈક ચાલક ઘટના સ્થળે નહી દેખાતા ઘટના વધુ રહસ્યમય બની હતી. પોલીસે બાઈકની આગ બુઝાવી સાઈડમાં કરી ટ્રાફીક ચાલુ કરાવ્યો હતો અને બાઈક ચાલકની શોધખોળ આરંભી હતી.
