(વર્તમાન પ્રવાહ ન્યુઝ નેટવર્ક)
સેલવાસ,તા.31: દાદરા નગર હવેલીના ખેરડી પંચાયતના કલા ગામમાં ત્રણ દિવસીય કે.પી.એલ.સિઝન-9 ક્રિકેટ ટુર્નામેન્ટનું આયોજન કરવામા આવ્યું હતું. જેમાં ચાર ટીમોએ ભાગ લીધો હતો. ટૂર્નામેન્ટની ફાઈનલ મેચ કલા ફાઈટર અને કલા સુપર જેન્ટ્સ વચ્ચે રમાઈ હતી. આ રસાકસીભરી ફાઈનલ મેચમાં કલા સુપર જેન્ટ્સનો બે રનથી વિજય થયો હતો. ફાઈનલમાં વિજેતા ટીમ અને રનર્સઅપ ટીમને ટ્રોફી અને પ્રોત્સાહિત ઈનામ આપવામાં આવ્યા હતા. આ કે.પી.એલ. ટુર્નામેન્ટને સફળ બનાવવા કમિટી મેમ્બર શ્રી જયેશભાઈ ચૌધરી, શ્રી પ્રકાશભાઈ કડુ અને શ્રી દક્ષેશભાઈ ગાંવિત સહિત અન્ય સભ્યોનો મહત્વનો ફાળો રહ્યો હતો.