ચીખલી પોલીસે ત્રણ જેટલા પાસપોર્ટ આરોપીના ઘરેથી જ કબ્જે કરી વધુ તપાસ હાથ ધરી
(વર્તમાન પ્રવાહ ન્યુઝ નેટવર્ક) ચીખલી, તા.23
ચીખલી પોલીસે વિદેશ મોકલવાના બહાને 15-જેટલા લોકો સાથે રૂા.49.90 લાખની છેતરપીંડીના ગુનાના આરોપીના પાંચ દિવસના રિમાન્ડ મંજુર, રિમાન્ડના પ્રથમ દિવસે ત્રણ જેટલા પાસપોર્ટ આરોપીના ઘરેથી જ કબ્જે કરી વધુ તપાસ હાથ ધરી હતી. આ ગુનાના તાર દિલ્હી સાથે જોડાયેલા હોવાનું બહાર આવતા પોલીસે તે દિશામાં પણ ચક્રો ગતિમાન કર્યા હતા.
પ્રાપ્ત વિગત મુજબ વિદેશમાં નોકરી અપાવવાના બહાને ચીખલી તથા આસપાસનો 15જેટલા વ્યક્તિઓ પાસેથી પૈસા લીધા બાદ વિદેશ ન મોકલાવી કુલ-રૂા.45.90 લાખની છેતરપીંડીના ગુનાના આરોપી તેજરાજ પીનાકિન પટેલ (રહે.અંબાજી નગર ખૂંધ તા ચીખલી) ને પોલીસે કોર્ટમાં રજૂ કરી રિમાન્ડની માંગણી કરતા નામદાર કોર્ટ દ્વારા પાંચ દિવસના રિમાન્ડ મંજુર કરાતા આરોપીને સાથે રાખી તેના ધરમાં તપાસ કરતા ત્રણ જેટલા પાસપોર્ટ મળી આવતા પોલીસે કબ્જે લીધા હતા.વધુમાં આરોપી વિદેશ મોકલવાનો કારભાર દિલ્હીના કોઈવ્યક્તિ સાથે કરતો હોવાનું અને અન્ય લોકોના પાસપોર્ટ પણ તેને આપેલા હોવાનું પણ પ્રાથમિક તપાસમાં બહાર આવતા પોલીસે તે દિશામાં પણ તપાસ હાથ ધરી હોવાનું જાણવા મળ્યું છે.
ઉપરોક્ત છેતરપીંડીના ગુનામાં આગામી દિવસોમાં ભોગ બનનારાઓની સંખ્યા અને છેતરપીંડીની રકમ પણ વધે તો નવાઈ નહિ. ગુનાની વધુ તપાસ પીએસઆઇ ડી.આર.પઢેરીયા કરી રહ્યા છે