(વર્તમાન પ્રવાહ ન્યુઝ નેટવર્ક) વલસાડ, તા.04: નાણાં, ઊર્જા અને પેટ્રોકેમિકલ્સ મંત્રી કનુભાઈ દેસાઈ તા.૦૫/૦૩/૨૦૨૨ના રોજ સવારે ૯.૦૦ કલાકે પારડી તાલુકાના પલસાણા ગ્રામ પંચાયત ઘરના ખાતમુહૂર્ત કાર્યક્રમમાં અને સવારે ૯.૩૦ કલાકે વલસાડ ખાતે પ્રેસ ક્લબ ઓફ વલસાડ આયોજિત રક્તદાન કેમ્પમાં હાજરી આપશે. મંત્રીશ્રી તા.૦૬/૦૩/૨૦૨૨ના રોજ સવારે ૯.૦૦ કલાકે ભિલાડ ગ્રામ પંચાયત ભવનના લોકાર્પણ કાર્યક્રમમાં, સવારે ૧૧.૦૦ કલાકે નાના વાઘછીપા ગ્રામ પંચાયતના ખાતમુહૂર્ત કાર્યક્રમમાં, સાંજે ૪.૦૦ કલાકે ઉમરસાડી ખાતે માંગેલા સમાજ ક્રિકેટ ટુર્નામેન્ટના ઇનામ વિતરણ તેમજ સાંજે ૫.૦૦ કલાકે સોંઢલવાડા ખાતે ધોડિયા સમાજ ક્રિકેટ ટુર્નામેન્ટના ઇનામ વિતરણ કાર્યક્રમમાં ઉપસ્થિત રહેશે.