(વર્તમાન પ્રવાહ ન્યુઝ નેટવર્ક) દમણ, તા.04
સંઘપ્રદેશના પ્રશાસક શ્રી પ્રફુલભાઈ પટેલે આજે પોતાની દિલ્હી મુલાકાત દરમિયાન કેન્દ્રીય ગ્રાહક વિષયક, ખાદ્ય અને જાહેર વિતરણ, કપડા, વાણિજ્ય અને ઉદ્યોગ મંત્રી શ્રી પિયુષ ગોયલની સાથે મુલાકાત કરી દાદરા નગર હવેલી, દમણ-દીવ અને લક્ષદ્વીપના વિકાસ બાબતે ચર્ચા-વિચારણા કરી હતી.
આજે પ્રશાસક શ્રી પ્રફુલભાઈ પટેલે ચીફ ઓફ ધ નેવલ સ્ટાફ એડમિરલ રાધાક્રિષ્નન હરી કુમાર પીવીએસએમ, એવીએસએમ, વીએસએલ, એડીસીની મુલાકાત કરી લક્ષદ્વીપ અને દાદરા નગર હવેલી તથા દમણ-દીવના વિવિધ મહત્વપૂર્ણ મુદ્દાઓ બાબતે ચર્ચા વિચારણા કરી હતી.
પ્રશાસક શ્રી પ્રફુલભાઈ પટેલે ચીફ ઓફ નેવલ સ્ટાફ એડમિરલ શ્રી હરી કુમારને સહયાત્રા કોફી ટેબલ બુક અને બ્રાઉન રાઈસની પણ શુભેચ્છા ભેટ આપી હતી.