(વર્તમાન પ્રવાહ ન્યુઝ નેટવર્ક) સેલવાસ, તા.22
દાદરા નગર હવેલી અને દમણ-દીવ ખેલ અને યુવા વિભાગ દ્વારા આઝાદીના અમૃત મહોત્સવ અંતર્ગત ઇન્ટર કોલેજ ક્રિકેટ ટૂર્નામેન્ટનું આયોજન 22થી 26 માર્ચ સુધી સાયલી ગ્રાઉન્ડ ખાતે કરવામાં આવેલ છે. જેમા પ્રદેશની ખાનગી અને સરકારી કોલેજના ખેલાડીઓ ભાગ લેશે.
આ ટૂર્નામેન્ટમાં છોકરીઓની ત્રણ ટીમ અને છોકરાઓની 5ટીમ ભાગ લેશે. છોકરીઓની ટીમમાં પેરામેડિકલ અને દેવકીબા કોલેજ ભાગ લીધો હતો. જેમા દેવકીબા કોલેજ રનર્સઅપ રહી હતી.
તા. 23માર્ચના રોજ છોકરાઓની સ્પર્ધા રહેશે. જેમા એસએસઆર, પોલીટેકનીક, દેવકીબા, ડો.એપીજે અબ્દુલ કલામ, પેરામેડીકલ કોલેજના વિદ્યાર્થીઓ ભાગ લેશે. આ ટૂર્નામેન્ટમાં વિજેતા ટીમઅને રનર્સ અપ ટીમને પ્રોત્સાહિત ઈનામ અને ટ્રોફી આપવામાં આવશે.
