(વર્તમાન પ્રવાહ વાપી બ્યુરો) વાપી, તા.24
વાપી નગરપાલિકાના ચીફ ઓફિસર શ્રી શૈલેષભાઈ પટેલ, પ્રમુખ શ્રીમતી કાશ્મીરાબેન શાહ અને રામચંદ્રભાઈ દેસાઈએ ધ સ્પોર્ટ્સ ક્લબ ઓફ વાપીની શુભેચ્છા મુલાકાત લીધી હતી. સ્પોર્ટ્સ ક્લબ ઓફ વાપીના શ્રી હાર્દિક જોશી અને ધારા શેઠ દ્વારા તેઓનું ઉષ્માભેર સ્વાગત કરવામાં આવ્યું હતું. વાપી અને આજુબાજુના વિસ્તારમાં સ્પોર્ટ્સના વિકાસ વિશે અને આવનાર સમયમાં વાપીના રમતવીરો રાષ્ટ્રીય અને આંતરાષ્ટ્રીય સ્તરે કેવી રીતે પહોંચે એ વિશે વિગતે ચર્ચા કરી હતી. સ્વિમિંગ, બેડમિન્ટન, ટેબલ ટેનિસ, ચેસ, કેરમ, કરાટેની ટ્રેનિંગ માટે વાપી ખાતે આધુનિક સ્તરની સુવિધાઓ ઉપલબ્ધ છે, અને એનો ઉપયોગ કરી વાપીની શાળાના બાળકો અને યુવાનોને સ્પોર્ટ્સ ક્ષેત્રે આગળ વધારવા અને નવી સ્પોર્ટ્સ પોલિસી હેઠળ ખેલાડીઓને નવી તકો પ્રાપ્ત થાય એ માટે વાપી નગર પાલિકા અને સ્પોર્ટ્સ ક્લબ ઓફ વાપી દ્વારા પ્રયત્નો કરવામાં આવશે.
વાપી નગર પાલિકા અને દરેક સભ્યોના હકારાત્મક વલણને લઈને સ્પોર્ટ્સની સુવિધાઓ વધુ ને વધુ લોકો સુધી પહોંચાડવા માટે ધ સ્પોર્ટ્સ ક્લબ ઓફ વાપી તત્પર છે.