November 30, 2025
Vartman Pravah
Breaking NewsOtherડિસ્ટ્રીકટદમણદીવદેશસેલવાસ

દાનહ એક્‍સાઇઝ વિભાગે દાદરામાં ચાલતા ગેરકાયદેસર દારૂના અડ્ડા પર પાડેલી રેડ

રસિક ઉર્ફે અનિલ રાઉત નામના વ્‍યક્‍તિના અડ્ડા પરથી સાત પેટી દારુનો જથ્‍થો કરાયો જપ્ત

(વર્તમાન પ્રવાહ ન્‍યુઝ નેટવર્ક)
સેલવાસ, તા.24 : દાદરા નગર હવેલીના દાદરા ગામે દેમણી રોડ નહેર નજીક કેટલાક ગેરકાયદેસર દારૂના અડ્ડાઓ ચાલતા હોવાની ફરિયાદ ગામના જાગૃત નાગરિક દ્વારા જિલ્લા કલેક્‍ટરશ્રીને કરવામાં આવી હતી. જેમાં ગેરકાયદે ધમધમતા દારૂના અડ્ડાઓને કાયમ માટે બંધ કરાવવાની પણ માંગ કરી હતી. જાગૃત નાગરિકની ફરિયાદના આધારે દાનહ એક્‍સાઇઝ વિભાગ દ્વારા દાદરા નહેર વિસ્‍તારમાં આવેલ દારૂના અડ્ડા પર રેડ પાડી તપાસ હાથ ધરતા ત્‍યાંથી ખુલ્લેઆમગેરકાયદેસર દારૂના અડ્ડાઓ ચાલતા હોવાનું ધ્‍યાને આવ્‍યું હતું.
દાનહ એક્‍સાઇઝ વિભાગ અને પોલીસની ટીમ પહોંચી હતી ત્‍યારે જોવા મળ્‍યું કે, દારૂના અડ્ડાની બહારથી નેટ લગાવેલી અને અંદરથી ખુલ્લેઆમ ગેરકાયદેસર રીતે દારૂનું વેચાણ ચાલી રહ્યું હતું. જેમાં કેટલાક પિધ્‍ધડો અડ્ડાની અંદર જ નશામા ધૂત પડેલા નજરે પડયા હતા. દરમિયાન એક અડ્ડાના માલિક રસિક ઉર્ફે અનિલ રાઉત નામના વ્‍યક્‍તિના અડ્ડા પરથી સાત પેટી દારુનો જથ્‍થો જપ્ત કરવામાં આવ્‍યો હતો અને અડ્ડાના માલિક સામે કાયદેસરના પગલાં લેવાની તજવીજ પણ શરૂ કરવામાં આવી હતી. સાથે ગેરકાયદેર ધમધમી રહેલા દારૂના અડ્ડાઓને હટાવવાની પ્રક્રિયા પણ હાથ ધરવામાં આવી હતી.
હવે સ્‍થાનિકોની ફરિયાદ બાદ એક્‍સાઇઝ વિભાગ દ્વારા કાર્યવાહી તો કરવામાં આવી છે પરંતુ સરકારી જમીન પર ગેરકાયદેસર રીતે અડ્ડા બનાવીને બેસેલા લોકો પર પંચાયત દ્વારા પણ કાર્યવાહી કરવામાં આવે એવી માંગ ગામલોકોનો દ્વારા ઉઠી રહી છે.

Related posts

વાપી કે.બી.એસ. એન્‍ડ નટરાજ કૉલેજમાં નવરાત્રી પર્વમાં ગરબા મહોત્‍સવ યોજાયો

vartmanpravah

દાનહમાં કામ કરતી આંગણવાડી કાર્યકર્તા બહેનોએ પગાર વધારવા જિલ્લા કલેક્‍ટર પાસે માંગેલી દાદઃ 10 દિવસની અંદર સમસ્‍યાના સમાધાનનું કલેક્‍ટરશ્રીએ આપેલું આશ્વાસન

vartmanpravah

દીવ નગરપાલિકાની ચૂંટણીને ધ્‍યાનમાં રાખીને, ‘મલ્‍ટી પોસ્‍ટ મલ્‍ટી વોટ’ ઈવીએમનું ફર્સ્‍ટ લેવલ ચેકિંગ

vartmanpravah

ખાનવેલના નિવાસી નાયબ કલેક્‍ટરે સરકારી શાળાઓની કરેલી મુલાકાત દરમિયાન મધ્‍યાહ્‌ન ભોજનમાં જોવા મળી કેટલીક ખામીઓ

vartmanpravah

દમણવાડા ખાતે ‘સેલ્ફ હેલ્પ ગૃપ’ની બહેનો માટે પાપડ-અચારના પેકિંગ અને માર્કેટિંગની તાલીમ શિબિરનો આરંભ

vartmanpravah

…અને એટલે જ આઝાદીના 75 વર્ષ બાદ પહેલી વખત દાનહ-દમણ-દીવ તથા લક્ષદ્વીપનો રાષ્‍ટ્રીય-આંતરરાષ્‍ટ્રીય ક્ષેત્રે વાગી રહેલો ડંકો

vartmanpravah

Leave a Comment