પેટ્રોલ-ડિઝલ, રાંધણગેસના ખાદ્ય ચિજોના ભાવ વધારો ભાજપ સરકાર દ્વારા કરાયા છે તેના કોંગ્રેસ દ્વારા વિરોધ કરાયો
(વર્તમાન પ્રવાહ વાપી બ્યુરો) વાપી, તા.31
છેલ્લા કેટલાક સમયથી પેટ્રોલ-ડિઝલ, રાંધણગેસ, ખાદ્યચિજ વસ્તુઓનો બેફામ વધી રહેલા ભાવ વધારાના વિરોધમાં આજે વલસાડ જિલ્લા કોંગ્રેસ સમિતિ દ્વારા વિરોધ પ્રદર્શન અને રેલી વાપી-વલસાડ શહેરમાં યોજાઈ હતી.
વલસાડ જિલ્લા કોંગ્રેસ કાર્યાલય ખાતે મોઘવારીના વિરોધ માટે જીવનજરૂરીયાતની વસ્તુઓના ભાવ વધારાના વિરોધ માટે જિલ્લામાં વિરોધ પ્રદર્શનનું આયોજ કરાયું છે. જેમાં જિલ્લા પ્રમુખ ધર્મિષ્ઠાબેન પટેલ, તાલુકા મહિલા પ્રમુખ સુનિતાબેન પટેલ, પાલિકા ન.પા. વિરોધપક્ષના નેતા શ્રી ગિરીશભાઈ દેસાઈ, મહામંત્રી શ્રી અલ્કેશભાઈ દેસાઈ સહિત વલસાડ રેલીમાં કોંગ્રેસના હોદ્દેદારો અને કાર્યકર્તા વિરોધ પ્રદર્શનમાં જોડાયા હતા. એપ્રમાણે વાપીમાં પાલિકા વિરોધ પક્ષના નેતા શ્રી ખંડુભાઈ પટેલ સહિત કાર્યકરો હોદ્દેદારો મોંઘવારી વિરોધ રેલીમાં જોડાઈને ભાજપ સરકારની જાટકણી કાઢી હતી.