ઉપ પ્રમુખ તરીકે દીપકભાઈ ગુપ્તા, સેક્રેટરી નીરજભાઈ પુઠ્ઠાવાલા, ખજાનચી વિપુલભાઈ પંચાલ, સહમંત્રી નિતીનભાઈ હિરાણી અને અમૃતભાઈ પટેલની કરવામાં આવેલી નિમણૂક
(વર્તમાન પ્રવાહ ન્યુઝ નેટવર્ક) સરીગામ, તા.03
ઉમરગામ ઈન્ડસ્ટ્રીઝ એસોસિએશનના પ્રમુખ તરીકે શ્રી જીગ્નેશભાઈ બારીની એક્ઝિક્યુટીવ કમિટી દ્વારા સર્વાનુમતે વરણી કરવામાં આવી છે. ગતરોજ યુઆઇએના સભાખંડમાં ઇલેક્શન કમિટી અને અગ્રણી ઉદ્યોગપતિઓની ઉપસ્થિતિમાં મળેલી બેઠકમાં પ્રમુખ તરીકે શ્રી જીગ્નેશભાઈ બારીના નામની આવેલી દરખાસ્ત સામે તમામ એક્ઝિક્યુટિવ કમિટી મેમ્બરોએ માન્યતા આપી હતી. આ સાથે જ યુવા ઉદ્યોગપતિ શ્રી જીગ્નેશભાઈ બારીએ પૂર્વ પ્રમુખ શ્રી ભગવાનભાઈ ભરવાડ તેમજ અગ્રણી ઉદ્યોગપતિઓ અને સમર્થકોનો આભાર વ્યક્ત કર્યો હતો અને ભવિષ્યમાં તમામના સહયોગ અને માર્ગદર્શનથી ઈન્ફ્રાસ્ટ્રક્ચર ઉપરાંત ઇન્ડસ્ટ્રીઝ વિસ્તાર અને ઉદ્યોગોના હીતમાં કામો કરવાની ખાતરી આપી હતી.
યુઆઇએના પ્રમુખ શ્રી જીગ્નેશભાઈ બારીની ટીમમાં ઉપ પ્રમુખ તરીકે શ્રી દીપકભાઈ ગુપ્તા, સેક્રેટરી શ્રી નીરજભાઈ પુઠ્ઠાવાલા, ખજાનચી શ્રી વિપુલભાઈ પંચાલ અને જોઇન્ટ સેક્રેટરી તરીકે શ્રી નીતિનભાઈ હિરાણી અને શ્રી અમૃતભાઈ પટેલની નિમણૂકકરવામાં આવી હતી.