બસપાના સંઘપ્રદેશ પ્રભારી શૈલેષ ધોડીએ વૈશ્વિક પ્રવાસન નક્શામાં અગ્રેસર બનેલા દમણમાં પ્રવાસીઓ માટેની પાયાની સુવિધા ઉભી કરવા દમણ ન.પા.ના ચીફ ઓફિસરને કરેલીરજૂઆત
(વર્તમાન પ્રવાહ ન્યુઝ નેટવર્ક) દમણ, તા.20
દાનહ અને દમણ-દીવ બહુજન સમાજ પાર્ટીના પ્રભારી શ્રી શૈલેષ ધોડીએ નાની દમણ બસ સ્ટેન્ડની પાસે ટોયલેટ, પીવાના પાણીની સુવિધા તથા રેસ્ટરૂમની સુવિધા ઉપલબ્ધ કરાવવા દમણ નગર પાલિકાના ચીફ ઓફિસર સમક્ષ માંગ કરી છે.
પ્રાપ્ત માહિતી પ્રમાણે બહુજન સમાજ પાર્ટી દ્વારા કરાયેલી રજૂઆતમાં જણાવાયું છે કે, વૈશ્વિક પ્રવાસન નક્શા ઉપર દમણનું નામ અંકિત થઈ રહ્યું છે, જેના કારણે સાપ્તાહિક રજાઓમાં ગુજરાત, મહારાષ્ટ્ર અને દેશના વિવિધ રાજ્યોમાંથી પ્રવાસીઓના ઘોડાપુર ઉમટે છે. ત્યારે નાની દમણ બસ સ્ટેન્ડ પાસે ટોયલેટ, પીવાના પાણીની સુવિધા તથા રેસ્ટ રૂમ નહી હોવાથી પ્રવાસીઓને ભારે અગવડનો સામનો કરવા પડી રહ્યો છે. તેથી ટોયલેટ, પીવાનું પાણી તથા રેસ્ટ રૂમની સુવિધા ઉભી કરવાની જરૂરીયાત ઉપર ભાર મૂકયો છે.
