Vartman Pravah
Breaking Newsગુજરાતવલસાડવાપી

વાપી નેશનલ હાઈવે જલારામ મંદિર સામે મળસ્‍કે ઉભેલી ટેન્‍કરને ટેમ્‍પો ભટકાતા અકસ્‍માતમાં ભીષણ આગ લાગતા ટેમ્‍પો ચાલક ભડથું

ટેન્કરમાં જ્વલનશીલ કેમીકલ ભરેલું હતું તેથી આઈશર ટેમ્પો ધડાકાભેર અથડાતા ભીષણ આગ ભભૂકી ઉઠી હતીઃ બન્ને વાહનો આગમાં સળગીને ખાખ થયા

(વર્તમાન પ્રવાહ વાપી બ્‍યુરો) વાપી, તા.24
વાપી નેશનલ હાઈવે 48 ઉપર જલારામ મંદિર સામે આજે રવિવારે મળસ્‍કે જવલનશીલ કેમીકલ ભરેલી ઉભેલા ટેન્‍કર સાથે પુર ઝડપે આવી રહેલ ટેમ્‍પો ભટકાતાઅકસ્‍માતમાં ભિષણ આગ લાગી હતી. આગમાં ટેમ્‍પો ડ્રાઈવર બળીને ભડથું થઈ ગયો હતો તેમજ બંને વાહનો બળીને ખાખ થઈ ગયા હતા.
વાપી નેશનલ હાઇવે 48 ઉપર જલારામ મંદિર સામે મુંબથી અમદાવાદ જતી ટ્રેક ઉપર આજે મળસ્‍કે ગમખ્‍વાર અકસ્‍માત સજાર્યો હતો. હાઈવે ઉપર સાઈડ કરી પાર્ક કરેલી ટેન્‍કર ઉભી હતી ત્‍યારે પાછળથી પુરઝડપે આવેલ ટેમ્‍પો, ટેન્‍કર સાથે ધડાકાભેર ભટકાયો હતો. ટેન્‍કરમાં જવલનશીલ કેમીકલ ભરેલું હોવાથી ક્ષણમાં આગ ભભૂકી હતી. આગમાં બન્ને વાહનો સપડાઈ ચૂક્‍યા હતા. ટેમ્‍પો ડ્રાઈવર કેબીનમાંજ આગની લપેટમાં ભડથું થઈ ચૂક્‍યો હતો. મળસ્‍કે સાડા ચાર વાગ્‍યાના સુમારે ઘટેલી ઘટનામાં બન્ને વાહનો આગમાં ભડભડ બળી રહેલા દૃશ્‍યો જોઈને આવતા જતા વાહનોની કતાર લાગી ગઈ હતી. બીજી તરફ ઘટનાની જાણ વાપી અને નોટીફાઈડ ફાયરને કરવામાં આવતા ઘટના સ્‍થળે ત્રણ ગાડી ધસી આવી આગ બુઝાવવાની જહેમત આરંભી દીધી હતી. વાપી ટાઉન પોલીસ કાફલો ઘટના સ્‍થળે પહોંચી ગયો હતો તેમજ ટ્રાફિક જામની કવાયત હાથ ધરી હતી. પોલીસે અકસ્‍માતની વધુ તપાસ હાથ ધરી હતી. મૃત્‍યુ પામનાર ડ્રાઈવરની વિગતો તપાસ બાદ જાણવા મળશે અન્‍ય ઘાયલો સારવાર માટે ખસેડાયા હતા.

Related posts

સેલવાસ પાલિકા દ્વારા ગેરકાયદેસર બનાવવામાં આવેલ દુકાનોનું ડિમોલિશન કરાયું

vartmanpravah

લક્ષદ્વીપ-કાવારત્તી સરકારી હોસ્‍પિટલના નવા બાંધકામ સ્‍થળ તથા ઓક્‍સિજન પ્‍લાન્‍ટની પ્રશાસક પ્રફુલભાઈ પટેલે લીધેલી મુલાકાત

vartmanpravah

રાજ્‍ય કક્ષાની સ્‍વિમિંગ સ્‍પર્ધામાં વાપીના યુગ ટંડેલએ મેળવ્‍યો દ્વિતીય ક્રમાંક

vartmanpravah

પારડીમાં નાણામંત્રીશ્રી કનુભાઈ દેસાઈની અધ્યક્ષતામાં ૧૩માં ગરીબ કલ્યાણ મેળામાં ૩૫૧૬૩ લાભાર્થીને ૮૧ કરોડની સહાય ચૂકવાઈ

vartmanpravah

ધરમપુર વનરાજ કોલેજના 700 વિદ્યાર્થીઓની સ્‍કોલરશીપ જમા નહી થતા ધરણા પર બેઠયા

vartmanpravah

સરકારી ઉચ્‍ચતર માધ્‍યમિક શાળા, બુચરવાડા-દીવના વિદ્યાર્થીએ દર્શાવેલી પ્રમાણિકતા

vartmanpravah

Leave a Comment