(વર્તમાન પ્રવાહ ન્યુઝ નેટવર્ક) સેલવાસ, તા.06
દાનહ ઈન્ડીયન રેડક્રોસ શાળા ખાતે દિવ્યાંગ સ્કાઉટ ગાઈડ બાલિકાઓને આત્મનિર્ભર કરવા માટે દાનહ સ્કાઉટ ગાઈડ ફેલોશીપ દ્વારા સોનિયા સિંહ રેંજર લીડરે આરડીસી ચાર્મી પારેખના આદેશાનુસાર શાળાના આચાર્ય જ્યોતિર્મયી સુરની ઉપસ્થિતિ અને નિરાલી મિષાીની સહાયતાથી ચોકલેટ ટ્રેનિંગ શિબિરનું આયોજન કરવામા આવ્યું હતું.
જેમા દિવ્યાંગ સ્કાઉટ ગાઈડ બાળકીઓએ ઉત્સાહભેર ભાગ લીધો હતો જેઓને ગુલાબ, પાન, બદામ, જેમ્સ, બટરસ્કોચ જેવી દરેક પ્રકારની ચોકલેટ બનાવવાની ટ્રેનિંગ આપી અને ચોકલેટનું પેકિંગ સજાવટ અંગે શીખવવામા આવ્યું સાથે રોજગાર આપી આત્મનિર્ભર બનવા માટે પ્રોત્સાહિત કરવામા આવ્યા હતા. દિવ્યાંગ ગાઈડ દેવકી તોમરે દરેક પ્રકારની ટ્રેનિંગમાં ભાગ લઈ જણાવ્યું હતું કે, હવે હું દુકાનમાંથી ચોકલેટ નહિ ખરીદીશ જાતે જ બનાવી દુકાનમાં વેચીશ અને પૈસા કમાઈને આત્મનિર્ભર બનીશ.
આ ટ્રેનિંગ માટે દાનહ ભારત સ્કાઉટ ગાઈડ જય હિંદ ઓપન ગ્રુપની રિયા સિંહ,પલ્લવી સિંહ અને સ્વાતિ યાદવે શાળાના સ્કાઉટ ગાઈડ અને બાળકીઓ સાથે ઉપસ્થિત રહ્યા હતા.