(વર્તમાન પ્રવાહ વાપી બ્યુરો) વાપી, તા.17
છેલ્લા દશકામાં જમીનોના ભાવો આસમાને પહોંચતા અનેક જગ્યાએ ગામોમાં ખોટા દસ્તાવેજ સરકારી બાબુઓની રહેમ હેઠળ બનાવીને જમીન પચાવી પાડવાનાકિસ્સા રોજીંદા બની રહ્યા છે તેવો બનાવ વાપી નજીક આવેલ અંબાચ ગામે જમીનના પેપરો સાથે ચેડાં કરીને અસલી માલિકની જાણ બહાર જમીન પચાવી દેવાતા જમીન માલિકે પારડી પોલીસ સ્ટેશનમાં સરોધીના 4 સહિત મામલતદાર કચેરીના અધિકારી-કર્મચારી વિરુદ્ધ ફરિયાદ નોંધાવતા ચકચાર મચી જવા પામી હતી.
ઘટના પ્રાપ્ત ટૂંક વિગતો મુજક પારડી તાલુકાના સરોઘીમાં રહેતા વિજય બાબુલાલ પટેલે અંબાચ ખાતે આવેલ જુનો બ્લોક નં. 408 અને નવા બ્લોક નં.રરપ0 વાળી જમીન ગત તા. 14/03/69ના રોજ દિનુભાઈ ઉર્ફે રામુભાઈ લલ્લુભાઇ ચિમનભાઈ લલ્લુભાઈ અને છોટુભાઈ લલ્લુભાઈ પાસેથી રૂા.399માં શાંતાબેન છીબુભાઈ પટેલ રહે. સરોધી સિંઘા ફળિયાએ વેચાણ રાખી હોવાની ખોટી એન્ટ્રી આધારે શાંતાબેનના અવસાન બાદ અમો એમના વારસદાર છીએ. વિજય છીબુ પટેલ, વિનય છીબુ પટેલ, સંજય છીબુ પટેલ અને એમા હેમા છીબુ પટેલે એક સાથે મેળાપીપણામાં ખોટા બનાવતી સરકારી દસ્તાવેજોમાં ચેડાં કરીને પારડી મામલતદાર કચેરીના કર્મચારી-અધિકારીઓ સાથે મળીને જમીન પચાવી પાડી હતી. જેથી મૂળ માલિક દોલત ચીમનભાઈ મૈસુરીયા રહે.વલસાડ વિનાયક સોસાયટીએ આ તમામ વિરુદ્ધ પારડી પોલીસ સ્ટેશનમાં ફરિયાદ નોંધાવી છે. પોલીસે વિવિધ કલમો હેઠળ આગળની તપાસ હાથ ધરીછે. જેમાંકચેરીના કયાં અધિકારી-કર્મચારીની આ પ્રકરણમાં સંડોવણી છે તે તપાસમાં ખુલશે.
