ચાલક ક્લિનરનો ચમત્કારિક બચાવઃ દિવસે-અઠવાડિયે કુંભઘાટ ઉપર અકસ્માત સર્જાતા રહે છે
(વર્તમાન પ્રવાહ વાપી બ્યુરો) વાપી, તા.17
નાશિક-પરાડા વચ્ચે પહાડી ઢોળાવોમાં આવેલ કુંભઘાટ નિરંતર અકસ્માત ઝોન બની રહ્યો છે. અઠવાડિયામાં એકાદ વાહનનો અકસ્માત સર્જાતો રહે છે તેવો વધુ એક અકસ્માત ગતરોજ કુંભઘાટ ઉપર સર્જાયો હતો. નાશિકથી અમદાવાદ સિમેન્ટના પતરા ભરીને જઈ રહેલી ટ્રકની બ્રેક ફેઈલ થતા ચાલકે કાબુ ગુમાવતા ટ્રક પલટી મારી ગઈ હતી.
વિગતો અનુસાર નાસિકથી અમદાવાદ જવા પતરાં ભરીને નિકળેલી ટ્રક નં.ડીએન પર એમ-3980 ગતરોજ બ્રેઈક ફેઈલ તથા ટ્રક પલટી મારી ગઈ હતી. અકસ્માત ભયાનક હોવા છતાં ચાલક અને ક્લિનરનો ચમત્કારિક બચાવ થવા પામ્યો હતો. કપરાડા પોલીસે આગળની કાર્યવાહી હાથ ધરી હતી.