(વર્તમાન પ્રવાહ વાપી બ્યુરો) વાપી, તા.18
પારડી નેશનલ હાઈવે વલ્લભ આશ્રમ સ્કૂલની સામે આજે હાઈવે ઉપર ચાલી રહેલા યુવાનું બાઈક અચાનક ગ્રીલ સાથે ભટકાતા ગંભીર અકસ્માત સર્જાયો હતો. અકસ્માતમાં યુવાનનું ઘટના સ્થળે કરૂણ મોત નિપજ્યું હતું.
પ્રાપ્ત વિગતો અનુસાર પારડી દમણગંગા બિલ્ડીંગ ક્રિષ્ણા બંગલો પાસે રહેતા નિતિનભાઈ ધનજીભાઈ ગજેરા (ઉ.વ.36) તેમનું મોટર સાયકલ નં. ડીડી-03 એફ4153 ચલાવી હાઈવે વલ્લભ આશ્રમ સામે પસાર થઈ રહ્યાહતા. ત્યારે અચાનક સ્ટેરીંગ ઉપર કાબુ ગુમાવતા બાઈક ગ્રીલ સાથે અથડાતા નિતિનભાઈ રોડ ઉપર પટકાયા હતા. જેમાં તેમનું ઘટના સ્થળે મોત થયું હતું. અકસ્માત અંગે હરેશભાઈ કરસનદાસ ભાનુશાલીએ પારડી પોલીસમાં ફરિયાદ નોંધાવી હતી.
