પાવડીયા સંદીપ ભુરાભાઈ વેગેનાર કારમાં આવી જનતા આઈસ્ક્રીમમાં ચેકીંગ કરી રૂા.પ0 હજારની માંગણી કરી હતી
(વર્તમાન પ્રવાહ વાપી બ્યુરો) વાપી, તા.24
ધરમપુરમાં આજે ગુજરાત ગેસ હાઉસ નીચે કાર્યરત જનતા આઈસ્ક્રીમ નામની દુકાનમાં એક ઠગ ઈસમ જી.એસ.ટી. અધિકારીનો સ્વાંગ રચી વેપારી પાસે રૂા.પ0 હજારની માંગણી કરી હતી. પરંતુ વેપારીની સતર્કતાને લઈ ઠગ જેલ ભેગો થયો હતો.
પ્રાપ્ત વિગતો મુજબ ધરમપુરમાં દોઢ-બે મહિના પહેલા જીતેન્દ્રભાઈ અને ધર્મેશભાઈએ ગુજરાત ગેસ્ટ હાઉસ નીચે જનતા આઈસ્ક્રીમ નામની દુકાન શરૂ કરી હતી. આજે બપોરે પોતાની ઓળખ જી.એસ.ટી. અધિકારી હોવાની આપી ધર્મેશભાઈને દબડાવી પ0 હજારની માંગણી કરી હતી. ત્યારે ધર્મેશભાઈએ અધિકારી બનેલ ઠગ લાગતો હોવાનું જણાતા ભાઈ જીતેન્દ્રને બોલાવવાનું કહેલું હતું. તે દરમિયાન પેલો ઈસમ વેગોનાર કાર નં.જીજે-પીપી-7645 લઈને આવેલો હતો. તે કાર લઈ ભાગવાની ફિરાકમાં હતો. ત્યાં બન્ને ભાઈઓએ ઝડપી પાડી પોલીસ ભેગો કર્યો હતો.
પૂછપરછમાં અધિકારીના સ્વાંગમાં આવેલ ઠગે તેનું નામ સંદીપ ભુરાભાઈ પાવડીયા બતાવ્યું હતું. પોલીસમાં મામલો જતા અન્ય વેપારીઓ પાસેથી આઠગ દસ, વીસ હજાર જી.એસ.ટી. અધિકારીના સ્વાંગમાં લઈ ગયો હોવાની વિગતો પ્રકાશમાં આવી હતી.