મોટાપોંઢાના સરપંચ રણજીત પટેલે દરખાસ્ત રાખતા માંડવાનાસરપંચ સોમાભાઈએ ટેકો આપ્યો
(વર્તમાન પ્રવાહ વાપી બ્યુરો) વાપી, તા.02
કપરાડા તાલુકા સરપંચ સંઘની આજે ગુરૂવારે કોમ્યુનિટી હોલમાં યોજાઈ હતી. જેમાં સર્વાનુમતે સરપંચ સંઘના પ્રમુખ તરીકે નાનાપોંઢાના સરપંચ મુકેશભાઈ પટેલની વરણી કરવામાં આવી હતી.
પ્રાપ્ત વિગતો અનુસાર કપરાડા તાલુકા સરપંચ સંઘની મિટીંગ આજે કપરાડા કોમ્યુનિટી હોલમાં યોજાઈ હતી. જેમાં સમસ્ત તાલુકાના સરપંચો ઉપસ્થિત રહ્યા હતા. મિટીંગમાં પ્રમુખ તરીકે નાનાપોંઢાના સરપંચ મુકેશભાઈ પટેલની વરણી કરવાની દરખાસ્ત મોટાપોંઢાના સરપંચ રણજીતભાઈ પટેલએ રજૂ કરી હતી. જેને માંડવાના સરપંચ સોમાભાઈ ધનારીયાએ ટેકો જાહેર કરતા સરપંચ સંઘના પ્રમુખ તરીકે મુકેશભાઈ પટેલની સર્વાનુમતે વરણી કરવામાં આવી હતી. મુકેશભાઈ પટેલ કપરાડા એ.પી.એમ.સી.ના ચેરમેન તરીકે સેવા આપી રહ્યા છે તેમજ જિલ્લા ભાજપ ઉપપ્રમુખ તરીકે કાર્યરત છે. આજે વધુ એક જવાબદારી કપરાડા તા.સરપંચ સંઘના પ્રમુખ તરીકે ઉપાડશે. તમામ ઉપસ્થિત સરપંચોએ મુકેશભાઈને અભિનંદન પાઠવ્યા હતા.
