(વર્તમાન પ્રવાહ વાપી બ્યુરો) વાપી, તા.02
કપરાડાનેશનલ હાઈવે નં.848 કુંભઘાટ ઉપર આજે બ્રેક ફેઈલ થઈ જતા કપાસ ભરેલી ટ્રક પલટી મારી જતા અકસ્માત સર્જાયો હતો. અકસ્માતમાં ડ્રાઈવર-ક્લિનરનો આભાદ બચાવ થયો હતો.
કપરાડાનો કુંભઘાટ અકસ્માત ઝોન બની રહ્યો છે. પ્રતિદિન અવારનવાર અકસ્માતો થતા રહે છે તેવો વધુ એક અકસ્માત આજે કુંભઘાટ ઉપર સર્જાયો હતો. નાસિક તરફથી કપાસ ભરીને અમદાવાદ તરફ જઈ રહેલ ટ્રક નં.આર.જે. 29 જી.સી. 6555 ની બ્રેક ફેઈલ થઈ જતા ચાલકે કાબુ ગુમાવતા ટ્રક પલટી મારી ગઈ હતી. સદ્દનસીબે અકસ્માતમાં ચાલક અને ક્લિનરનો આબાદ બચાવ થયો હતો. કપરાડા પોલીસે ઘટના સ્થળે પહોંચી આગળની કાર્યવાહી હાથ ધરી હતી.