(વર્તમાન પ્રવાહ ન્યુઝ નેટવર્ક) દમણ, તા.08
આજે દમણ કોર્ટમાં સિવિલ જજ સિનિયર ડિવિઝન અને ચીફ જ્યુડિશિયલ મેજીસ્ટ્રેટ શ્રી પવન એચ. બનસોડએ પ્રિન્સિપાલ ડિસ્ટ્રીક્ટ અને સેશન જજ શ્રી પી.કે.શર્માની ઉપસ્થિતિમાં પોતાના હોદ્દાનો અખત્યાર સંભાળી લીધો હતો. આ પ્રસંગે દમણના સિવિલ જજ જુનિયર ડિવિઝન અને જ્યુડિશિયલ મેજીસ્ટ્રેટ ફર્સ્ટ ક્લાસ શ્રી જે.જે.ઈનામદાર અને બાર એડવોકેટ એસોસિએશનના પ્રમુખ શ્રી મારિયો લોપેસ તથા એડવોકેટ બાર એસોસિએશનના અન્ય સભ્યો પણ હાજર રહ્યા હતા.
