(વર્તમાન પ્રવાહ ન્યુઝ નેટવર્ક)
વાપી, તા.15:
વાપી નજીકના ચણોદમાં નજીવી બાબતે એક ઈસમે યુવક ઉપર છરા વડે હુમલો કર્યો હતો. જે બનાવ અંગેની ફરિયાદ વાપી ડુંગરા પોલીસ મથકમાં નોંધાવા પામી હતી.
વાપી ડુંગરા પોલીસ સૂત્રો પાસેથી મળતી વિગત અનુસાર, મૂળ મહારાષ્ટ્રના વતની અને હાલ વાપી નજીકના ચણોદ ગામ, છત્રપતિ શિવાજી નગર, દિનેશ ચાલીમાંગજાનંદ કિશન કાકર (ઉં.આ.31) પરિવાર સાથે રહે છે. ગત તારીખ 12-12-21 ના રોજ બિહારીનગર, ચણોદ બજારમાં ઘરવખરીનું સામાન ખરીદી કરવા માટે ગયા હતા ત્યારે સાંજે આશરે ચારેક વાગ્યાની આસપાસ રોહિત વજીરસિંગ પટેલ (રહે. બિહારીનગર, ગોપાલ ચાલ, ચણોદ, તા.વાપી) એ તેમની સાથે ઝઘડો કર્યો હતો જેથી તેઓ ઘરે પરત ફરી ગયા હતાં. જે બાદ રાત્રીના આંઠેક વાગ્યે ચણોદ શિવશકિત બિલ્ડીંગની આગળ બિહારી નગર જતા માર્ગ પર ગજાનંદ મિત્રો સાથે વાતચીત કરી રહ્યો હતો ત્યારે રોહિત પટેલ ત્યાં આવી ફરીથી ઝઘડો કર્યો હતો અને હાથમાં રહેલ લોખંડના છરા વડે મોંઢાના ભાગે મારી ઈજાગ્રસ્ત કર્યો હતો. ઈજાગ્રસ્તને સારવાર માટે વાપીની હોસ્પિટલમાં ખસેડાયો હતો. જે બાદ વાપી ડુંગરા પોલીસ મથકમાં રોહિત પટેલ સામે ફરિયાદ નોંધાવી હતી. નોંધનીય છે કે, વાપી નજીકના સલવાવ ગામ પાસે પણ કંપનીમાં કરતા સહકામદારે કોઈક બાબતે યુવક ઉપર ચપ્પુ વડે હુમલો કર્યો હતો જે બનાવની પણ ફરિયાદ વાપીડુંગરા પોલીસ મથકે નોંધાવા પામી હતી.
Previous post